डेल्फिक नेपाल र इनासले जर्मनीमा सांस्कृतिक कार्यक्रम गर्दै

समाचार

नेपाल लाइभ आइतबार, माघ २२, २०७९ ११:१९

काठमाडौं– नेशनल डेल्फिक काउन्सिल नेपाल र अन्तराष्ट्रिय नेपाली कलाकार समाज(इनास)को सहकार्यमा जर्मनीको बर्लिनमा नेपाली कला संस्कृति सम्बन्धी विशेष कार्यक्रम हुने भएको छ।

कार्यक्रमबारे डेल्फिक नेपालका अध्यक्षले लण्डनमा यूरोपमा रहेका नेपाली कलाकर्मीहरूसँग छलफल गरेका छन्।

छलफलमा डेल्फिक नेपालका सचिव सूर्य बहादुर राष्कोटी, इनास ग्लोबलका उपाध्यक्ष मनिष श्रेष्ठ, इनास युकेका अध्यक्ष बिनोद चिपालु, लेखक/निर्देशक सनम कुमार बैराग, विकास देवकोटा, कानुन व्यावसायी टम अधिकारी, सिम्मी पुन लगायतको सहभागिता रहेको थियो।

नेदरल्याण्ड रहेका इनास ग्लोबलका अध्यक्ष पुष्प बरुवाल र नेपालमा रहेका डेल्फिक नेपालका उपाध्यक्ष जीवन पराजुलीले छलफलमा भर्चुअल सहभागिता जनाए।

‘नेपाल बाहिर रहेर पनि नेपाली कला-संस्कृतिको उत्थान र प्रवर्द्धनका लागि अहोरात्र खटेर योगदान पुर्‍याउने विशिष्ठ श्रस्टा, कलाकर्मी, साहित्यकार लगायतको पहिचान गरी उनीहरूलाई उचित सम्मान दिनु हाम्रो कार्यक्रमको उद्देश्य रहनेछ’, मे २०२३ मा हुने कार्यक्रमबारे डेल्फिक नेपालका अध्यक्ष बिएलले भने, ‘यो कार्यक्रमबाहेक उत्कृष्ट नेपाली चलचित्रहरूको छनोट गरी विश्वका विभिन्न राष्ट्रमा नियमित रुपमा प्रचारप्रसार र प्रदर्शन गर्न एउटा छुट्टै कार्यसमिती बनाउने र नेपाली चलचित्रको वैकल्पिक बजार खोज्ने, नेपाली चलचित्रको प्रवर्द्धनका लागि विभिन्न महोत्सव आयोजना गर्नेबारे पनि हामीले छलफल गरेका छौं।’

इनास ग्लोबलका उपाध्यक्ष मनिष श्रेष्ठले लण्डनको प्लमस्टिडमा सञ्चालन गर्दै आएको गोर्खा क्लबमा डेल्फिक नेपालका पदाधिकारीको स्वागतमा रात्रीभोजको आयोजना गरिएको थियो।

नेपाललाइभमा प्रकाशित सामग्रीबारे कुनै गुनासो, सूचना तथा सुझाव भए हामीलाई nepallivenews@gmail.com मा पठाउनु होला।

प्रतिक्रिया दिनुहोस्

नेपाल लाइभ Nepal’s independent digital media. Offers quick current affairs update, analysis and fact-based reporting on politics, economy and society. http://nepallive.com

लेखकबाट थप

विश्वभर मनाइयो ‘अर्थ आवर डे’, किन मनाइन्छ?

कांग्रेस ठूलो पार्टीकै हैसियतअनुसार सरकारमा सहभागी हुने

व्यावसायिक वातावरण बनाउन तत्काल अर्थतन्त्र सुधारका कार्यक्रम ल्याउन वरिष्ठ उपाध्यक्ष ढकाल आग्रह