धनुषाको महेन्द्रनगर हिरासतबाट फरार भएका ६ थुनुवामध्ये थप दुई जना पक्राउ

सुरक्षा/अपराध

नेपाल लाइभ बुधबार, माघ १८, २०७९ ०९:३७

काठमाडौं– सोमबार बिहान धनुषाको इलाका प्रहरी कार्यालय महेन्द्रनगरको हिरासतको पर्खाल प्वाल पारेर फरार भएकामध्ये थप दुई जना पक्राउ परेका छन्।

एक जनालाई सोमबार नै प्रहरीले पक्राउ गरेको थियो। उक्त हिरासतको पर्खाल प्वाल पारेर विभिन्न मुद्दाका ६ जना थुनुवा फरार भएका थिए।

जिल्ला प्रहरी कार्यालय धनुषा र मधेस प्रदेश प्रहरी कार्यालय जनकपुरबाट खटिएको टोलीले थप दुई जनालाई पक्राउ गरेको हो। कुटपिट मुद्दाका फरार थुनुवा मिथिला नगरपालिका–२ का २५ वर्षीय हरदीप सिंहलाई आज बिहान पक्राउ गरिएको हो।

यस्तै धनुषाको क्षिरेश्वरनाथ नगरपालिका–२ का २५ वर्षीय अमित मण्डललाई भने मंगलबार नै पक्राउ गरेको धनुषा प्रहरीले जनाएको छ। उनलाई शान्तिविरुको अपराध मुद्दा चलिरहेको छ। पक्राउ परेकाहरुमाथि थप अनुसन्धान भइरहेको प्रहरीले जनाएको छ।

अझै तीन जना फरार रहेका छन्। उनीहरुको खोजतलासको कार्य तीव्र चलिरहेको प्रहरीले जनाएको छ।

नेपाललाइभमा प्रकाशित सामग्रीबारे कुनै गुनासो, सूचना तथा सुझाव भए हामीलाई nepallivenews@gmail.com मा पठाउनु होला।

प्रतिक्रिया दिनुहोस्

नेपाल लाइभ Nepal’s independent digital media. Offers quick current affairs update, analysis and fact-based reporting on politics, economy and society.http://nepallive.com

लेखकबाट थप

चिया खाएर पैसा तिर्ने विवादमा आफ्नै साथीको खुकुरी हानी हत्या

एकीकृत समाजवादी ३२ लाख रुपैयाँ घाटामा,के के छन् मुख्य आम्दानीको स्रोत ?

संसदको हिउँदे अधिवेशन माघ १८ देखि बोलाउने तयारी