काठमाडौं– चलचित्र विकास बोर्डका अध्यक्ष भुवन केसीले चलचित्र पत्रकारलाई राज्यले चलचित्रकर्मी परिचयपत्र समेत राज्यले प्रदान गर्नसक्ने बताएका छन्।
चलचित्र पत्रकार सङ्घ नेपालले आयोजना गरेको दुई दिने कार्यशाला समापन कार्यक्रममा शनिबार बोल्दै केसीले चलचित्र पत्रकारहरू चलचित्र क्षेत्रकै महत्वपूर्ण अंग रहेको बताउँदै नीतिगत रुपमा नै चलचित्र पत्रकारहरूलाई राज्यले विभिन्न सहयोग गर्ने बताए।
‘नीतिगत रुपमा नै राज्यले चलचित्र पत्रकारहरूलाई चलचित्रकर्मीको रुपमा समेटेको छ। यस क्षेत्रमा योगदान गर्ने पत्रकारहरूलाई सम्मान, पुरस्कार प्रदान गर्नुका साथै चलचित्रकर्मी परिचयपत्र समेत राज्यले प्रदान गर्नसक्छ’, केसीले भने, ’यस प्रकारका कार्यशालाहरुले पत्रकारहरूको क्षमतावृद्दिमा प्रत्यक्ष भूमिका खेल्छ। आगामी दिनहरूमा पनि यस प्रकारका कार्यक्रमहरुको अपेक्षा राखेको छु र सहकार्यको लागि बोर्ड सदैव तयार छ।’
शुक्रबार र शनिबार ‘फिल्म जर्नालिज्म इन मोर्डन ईरा’ शीर्षकमा सञ्चालित कार्यशालामा काठमाडौँ र काठमाडौँ बाहिरका सय बढी पत्रकारले सहभागिता जनाएका थिए।
काठमाडौँस्थित चलचित्र विकास बोर्डको हलमा सञ्चालित कार्यशालामा प्रेस काउन्सिलका मुख्य अधिकृत झविन्द्र भुसाल, कृष्ण भट्टराई, प्रकाश सायमी, बिकास रौनियार, के.पि. ढुंगाना, बिष्णु घिमिरे ‘कल्पित’, नरेश भट्टराई, शान्तिप्रिय, बिदुर गिरी, बिजयरत्न तुलाधर र डब्बु क्षेत्रीले पत्रकार आचारसंहिता, समाचार लेखन शैली, चलचित्र पत्रकारिताको इतिहास, विश्च सिनेमाको इतिहास, फोटोपत्रकारिता, साइबर क्राईम, भिडियो कथ्य शैली, प्रस्तोता तथा चलचित्र पत्रकारिताको महत्व लगायतका शीर्षकहरूमा सहजीकरण गरेका थिए।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1786602170.png)
-1786513116.png)
