सभामुख निर्वाचन : बुधबार उम्मेदवारी दर्ता हुँदै

राजनीति

नेपाल लाइभ बुधबार, माघ ४, २०७९ ०८:३४

काठमाडौं– बुधबारदेखि सभामुखको निर्वाचन प्रक्रिया सुरु हुने भएको छ। संसद् सचिवालयले तय गरेको निर्वाचन कार्यतालिका अनुसार बुधबार सभामुखका लागि उम्मेदवारी दर्ता हुनेछ।

संसद् सचिवालयका अनुसार बुधबार दिउँसो १ बजेदेखि ४ बजेसम्म प्रतिनिधि सभा सदस्यहरुले मनोनयन दर्ता गर्न सक्नेछन्। मनोनयन संसद भवनको ल्होत्से हलमा हुनेछ।

यस्तै बुधबार नै उम्मेदवारको अन्तिम सूची प्रकाशन हुनेछ। बिहीबार बिहान ११ बजे बस्ने बैठकमा सभामुखमा निर्वाचित गरियोस् भन्ने प्रस्तावमाथि छलफल र निर्णयार्थ प्रस्तुत हुनेछ।

पुस १० मा पुष्पकमल दाहाल प्रचण्ड प्रधानमन्त्री नियुक्त हुनुअघि एमाले र माओवादीबीच सभामुख एमालेले लिने सहमति भएको थियो। तर पछिल्लो समय प्रधानमन्त्री प्रचण्डले सभामुखका लागि एमालेसँग कुनै लिखित सहमति नभएको बताइरहेका छन्।

विश्वासको मत लिनेबेला जनमोर्चा र नेमकिपाबाहेक सबै दलले मत दिएकाले पद बाँडफाँटमा केही समस्या देखिएको छ। यसैबीच बुधबार ९ बजे नेपाली कांग्रेसले पदाधिकारी बैठक बोलाएको छ। बैठकमा सभामुखको मनोनयनका लागि निर्णय गरिने बताइएको छ।

नेपाललाइभमा प्रकाशित सामग्रीबारे कुनै गुनासो, सूचना तथा सुझाव भए हामीलाई nepallivenews@gmail.com मा पठाउनु होला।

प्रतिक्रिया दिनुहोस्

नेपाल लाइभ Nepal’s independent digital media. Offers quick current affairs update, analysis and fact-based reporting on politics, economy and society.http://nepallive.com

लेखकबाट थप

स्वर्णलक्ष्मी सहकारी प्रकरण: काठमाडौं अदालतले पनि दियो रवि लामिछानेलाई धरौटीमा रिहा गर्ने आदेश

रविको विपक्षमा बहस गर्ने कानुन व्यवसायीमाथि आक्रमणको प्रयास, प्रहरीले जोगायो अधिवक्ता त्रिपाठीलाई

सरकारले संविधान र संसद्‌लाई उपेक्षा गरेर सत्ताको दुरुपयोग गरिरहेको छ : माधव नेपाल