हेर्दा–हेर्दै प्लेन खसेको छ, उद्धारमा कमी नहुने निर्देशन दिएका छौं

पर्यटन-उड्डयन

सहायक प्रमुख जिल्ला अधिकारी भन्छन् :हेर्दा–हेर्दै प्लेन खसेको छ, उद्धारमा कमी नहुने निर्देशन दिएका छौं

नेपाल लाइभ आइतबार, माघ १, २०७९ १२:४२

पोखरा– पोखराको सेती नदीको खोँचमा खसेर यती एयरलाइन्सको विमान दुर्घटनाग्रस्त भएको छ।

विमान दुर्घटनामा पर्नुअघि पोखराको आकाशमा पटक–पटक घुमेको र हल्लिरहेको प्रत्यक्षदर्शीले बताएको सहायक प्रमुख जिल्ला अधिकारी गुरुदत्त ढकालले बताए।

उनले हेर्दा–हेर्दै प्लेन पुरानो विमानस्थलवाट सेती नदीको खोँचमा खसेको र खसेलगत्तै आगोको मुस्लो निस्केको बताए।

‘प्लेन खसेलगत्तै एक्कासी ठूलो आगो लागे झै धुँवाको मुस्लो आयो,’ उनले भने, ‘लगत्तै हामीले उद्धारमा सक्रिय हुने सबैलाई निर्देशन दिएका छौं। अहिले दुर्घटनास्थलमा तीनवटै सुरक्षा निकायका साथै स्थानीयहरु पनि उद्धारमा सक्रिय रहेका छन्।’

सेती खोँचमा खसेका कारण उद्धारमा कठिनाई भइरहेको उनले बताए। हालसम्म ३२ जनाको शव निकालिएको र केही घाइतेहरुको उद्धार गरिएको भन्दै थप उद्धारको कार्य जारी रहेको उनले जानकारी दिए।

विमानमा चालकदलका सदस्यसहित ७२ जना सवार थिए। ६८ यात्रु र चार चालकदलका सदस्य सवार थिए। काठमाडौबाट पोखरा गएको विमान दुर्घटनामा परेको हो। तीनवटै सुरक्षा निकायले छिटोभन्दा छिटो उद्धारमा लाग्न निर्देशन दिएको र आगो अझै नियन्त्रणमा आउन नसकेको उनले बताए।

नेपाललाइभमा प्रकाशित सामग्रीबारे कुनै गुनासो, सूचना तथा सुझाव भए हामीलाई nepallivenews@gmail.com मा पठाउनु होला।

प्रतिक्रिया दिनुहोस्

नेपाल लाइभ Nepal’s independent digital media. Offers quick current affairs update, analysis and fact-based reporting on politics, economy and society.http://nepallive.com

लेखकबाट थप

उत्तरी मेक्सिकोमा गोप्य चिहानमा १२ शव फेला

रास्वपाद्वारा अनुशासन आयोगमा दुई र विभागमा तीन सदस्य मनोनयन

मोरक्कोमा डुंगा डुब्दा ६९ जनाको मृत्यु, जिहादीका कारण देश छाड्नेको संख्या बढ्दै