कास्की– पोखरामा भएको प्लेन दुर्घटनाको उद्धार कार्य तिव्र पारिएको छ। तीनवटै सुरक्षा निकाय (नेपाली सेना, नेपाल प्रहरी र सशस्त्र प्रहरी) बलले उद्धार कार्यलाई तीव्रता दिएका छन्।
आइतबार बिहान काठमाडौंबाट पोखराका लागि उडेको ९ नाइन–एएनसी एटिआर–७२ यती एअरलाइन्सको वायुयान पोखरा विमानस्थलमा अवतरण गर्ने क्रममा पुरानो एअरपोर्ट र नयाँ एअरपोर्टको बीचमा रहेको सेती किनारामा दुर्घटनामा परेको हो।
विमानमा ६८ यात्रुहरु रहेको बताइएको छ। चालक दलका ४ जना सदस्य थिए। जिल्ला प्रहरी कार्यालय कास्कीका प्रमुख तथा एसपी अजय केसीले उद्धारलाई तीव्र पारिएको बताए।
उद्धार गरिएका घाइतेहरुलाई धमाधम अस्पताल पठाइएको उनले बताए। उता सशस्त्र प्रहरी बलले पनि उद्धारलाई तीव्र पारेको जनाएको छ। सशस्त्र प्रहरीको कालिका गणले पनि उद्धारलाई तीव्र पारेको छ। यस्तै उद्धार कार्यमा नेपाली सेना पनि लागिपरेको छ।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1786602170.png)
-1787821306.jpg)
-1786513116.png)
