काठमाडौं- भारतबाट विद्युत् आयातमा समस्या आएको भन्दै नेपाल विद्युत् प्राधिकरणले देशभरका ठूला औद्योगिक क्षेत्रहरुमा दैनिक विद्युत कटौती गर्ने भएको छ।
भारतको विहारमा रहेको १ जेनेटरमा समस्या भएका कारण विद्युत् कटौती सुरु गरेको विद्युत् प्राधिकरणका प्रवक्ता सुरेशबहादुर भट्टराईले बताए।
तीन सिफ्टमा दुई सञ्चालन गर्ने र एक सिफ्टमा विद्युत् कटौती गर्ने उनको भनाइ छ।
‘यो समस्या दुई वा तीन दिनसम्मलाई मात्र हो त्यसपछि पुरानै अवस्थामा आउछ,’ भट्टराईले भने।
साना उद्योग र सर्वसाधरणलाई भने कटौती नभएको उनले जानकारी दिए। यता नेपाल उद्योग वाणिज्य महासंघका पूर्वअध्यक्ष पशुपति मुरारकाले भने विद्युत् प्राधिकरणले औद्योगिक क्षेत्रमा दैनिक नौ घण्टा लोडसेडिङ सुरु गरेको बताएका छन्।
मुरारकाले सामाजिक सञ्जाल ट्विटरमा औद्योगिक क्षेत्र कसरी उँभो लाग्ने होला भनेर प्रश्नसमेत गरेका छन्।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1749826086.png)
