काठमाडौं– ब्राजिलका पूर्व राष्ट्रपति जायर बोल्सोनारोलाई ब्राजिल फिर्ता पठाउनका लागि अमेरिकी राष्ट्रपति जो बाइेडेनमाथि उनका पार्टीका सदस्यले दबाब बढाइरहेका छन्।
आइतबार ब्राजिलमा बोल्सोनारोका हजारौं समर्थकले संसद्, राष्ट्रपति भवन र सर्वोच्च अदालतमा घुसेर हंगामा र तोडफोड गरेका थिए। यसपछि अहिलेसम्म १५ सय प्रदर्शनकारीलाई पक्राउ गरिएको छ।
डेमोक्रेट नेता जोआकिन क्यास्ट्रोले सीएनएनसँग कुरा गर्दै भने, ‘बोल्सोनारोलाई फ्लोरिडामा बस्न नहुने हो। अमेरिकालाई पनि यी तनाशाहका लागि आश्रय दिनु उचित होइन। जसले ब्राजिलमा आतंकवादलाई उक्साएका छन्। उनलाई ब्राजिल फिर्ता पठाउनुपर्छ।’
अर्की डेमोक्रेट नेता एलेक्जेन्ड्रिया ओकासियो कार्टेजले पनि ट्विट गर्दै भनेकी छन्, ‘अमेरिकाले बोल्सोनारोलाई फ्लोरिडामा बस्न दिन हुँदैन। त्यहाँबाट उनलाई फिर्ता पठाइनुपर्छ।’
यता अमेरिकाका राष्ट्रिय सुरक्षा सल्लाहकार जेक सुलिभनले सोमबार अहिलेसम्म बोल्सोनारोको भिषालाई लिएर ब्राजिलको सरकारका तर्फबाट कुनै औपचारिक निवेदन नआएको बताएका छन्।
यसैबीच ब्राजिलका पूर्वराष्ट्रपति जायर बोल्सोनारोलाई पेटमा समस्या भएका कारण फ्लोरिडाको अस्पतामा भर्ना गरिएको छ। रिपोर्टअनुसार सोमबार बोल्सोनारोलाघ आरल्याण्डो नजिक एक अस्पतालमा लिइएको छ।
सन् २०१८ मा बोल्सोनारमाथि धारिलो हतियारले आक्रमण गरिएको थियो। त्यसपछि लगातार उनको पेट दुखाईको समस्या रहेको बताइँदै आएको छ। समाचार एजेन्सी रोयटर्सका अनुसार बोल्सोनारोका परिवारका नजिकका सदस्यले उनको स्वास्थ्य अवस्था चिन्तानजक बताएका छन्।
बोल्सोनारो १० दिनअघि ब्राजिलबाट अमेरिका गएका थिए। उनले नयाँ राष्ट्रपति लूला डा सिल्भाको सत्ता हस्तान्तरण सभामा भागसमेत लिएका थिएनन्।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1764383179.png)
-1764146706.png)
-1763721444.png)
-1763559424.jpg)
-1764080971.png)
