प्रतिकात्मक तस्बिर
काठमाडौं– मेलम्चीको खानेपानी पाइपमा नआएको भन्दै काठमाडौंको कोटेश्वरका स्थानीयले ज्ञापनपत्र बुझाएका छन्। कोटेश्वरको महादेवस्थानका स्थानीयले आफूहरुको क्षेत्रमा विछ्याइएको पाइपलाइनमा मेलम्चीको खानेपानी नआएको भन्दै मेलम्ची खानेपानी आयोजना कार्यान्वयन निर्देशनालयमा ज्ञापनपत्र बुझाएका हुन्।
अन्य क्षेत्रमा मेलम्चीको नयाँ लाइनमार्फत् आएको पानी बढी भएर खेर जाँदा समेत कोटेश्वर महादेवस्थान क्षेत्रमा पाइपलाइनबाट उच्चो स्थानमा नचढ्दा घर–घरमा पानी नपुगेको स्थानीयको भनाइ छ। उनीहरुले समस्या समाधानको माग गर्दै सोमबार मेलम्ची खानेपानी आयोजना कार्यान्वयन निर्देशनालयमा ज्ञापनपत्र बुझाएका हुन्।
बारम्बार जानकारी गराउँदासमेत पानीको पाइपबाट कोटेश्वर महादेवस्थान हाइटका घरहरुमा पानी पुर्याउन निर्देशनालयले तदारुकता नदेखाएको स्थानीयको भनाइ छ।
कोटेश्वर महादेवस्थानका स्थानीय गोविन्दराज पन्तले मेलम्चीको पानी चारैतिर बढी भएर फाल्दा समेत कोटेश्वर हाइटमा पानी नचढेको बताए। आफूहरुको स मस्याको समाधानको लागि निर्देशनालयलाई ध्यानाकर्षण गराइएको पन्तले जानकारी दिए।
खानेपानीको समस्या समाधान नभए ठेकेदारको समेत घर घेर्ने स्थानीयले चेतावनी दिएका छन्। पानी नपुगेको घरहरुमा ४ दिनभित्र पानी पुर्याउने भनेर निर्देशनालयले प्रतिबद्धता व्यक्त गरेको पन्तले जानकारी दिए।
मेलम्ची खानेपानी आयोजना कार्यान्वयन निर्देशनालय (पीआईडी) का प्रोजेक्ट डाइरेक्टर राजेन्द्र सापकोटाले कोटेश्वर हाइट क्षेत्रमा जोडिएको सिस्टमले हाइटमा पानी नपुग्ने भएकाले नयाँ पाइपलाइन बनाएको बताए। पुरानो लाइनमा नयाँ पाइपबाट पानी पठाए पनि हाइटमा र टाढा भएको घरमा पानी पुग्न नसक्ने उनको भनाइ छ।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1764146706.png)
-1772777462.png)
