ब्राजिल- ब्राजिलका वामपन्थी नेता लुला डि सिल्भाले राष्ट्रपतिको रूपमा तेस्रोपटक सपथ लिएका छन्। दिग्गज वामपन्थी राजनीतिज्ञ रहेका उनले यसअघि सन् २००३ र २०१० को बीचमा पनि देशको नेतृत्व गरेका थिए।
गत अक्टोबरमा भएको मतदानमा जैर बोल्सोनारोलाई पराजित गरेका हुन्। उनले आफ्नो पहिलो भाषणमा ‘भयानक भग्नावशेष’मा रहेको देशलाई पुनर्निर्माण गर्ने वाचा गरे।
उनले आफ्नो पूर्ववर्तीका नीतिहरूको निन्दा गरे, जो हस्तान्तरण समारोह छल्न अमेरिका पुगेका छन्। सपथ लिएको केही समयपछि लुलाले ब्राजिलका जनतामा आशाको भावना जगाउन खोजे र ‘राष्ट्रको पुनर्निर्माण र सबैका लागि ब्राजिल बनाउने’ वाचा गरे।
सपथ ग्रहण समारोहपछि उनी भावुक बने। खानाको लागि हताश ब्राजिलीहरुले ट्राफिक लाइटमा भीख मागिरहेको दृश्य सम्झिएर उनी रुन थाले। उनी यसअघि भ्रष्टाचार मुद्दामा जेलसमेत पुगेका थिए तर सन् २०२१ मा उनीमाथि लागेका आरोप खारेज भएका थिए।
आफूलाई भ्रष्ट राजनीतिज्ञका रुपमा गरिएको चित्रण मेटाउने प्रयास यो कार्यकालमा गर्ने उनले बताएका छन्। उनले आफ्नो पूर्ववर्ती सरकारले शिक्षा, स्वास्थ्य र अमेजन वर्षावनको संरक्षणका लागि कोष घटाउने काम गरेको बताए। उनले आफू त्यसमा लागिपर्ने वाचा गरे।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1764383179.png)
-1764146706.png)
-1763721444.png)
-1763559424.jpg)
-1764080971.png)
