काठमाडौं– जम्मू–कश्मीरको राजौरी जिल्लास्थित डांगरी गाउँमा आइतबार बेलुका भएको गोलाबारीमा तीन जना सर्वसाधारणको मृत्यु भएको छ।
अन्य तीन जना घाइते भएको र उनीहरुलाई उपचारका लागि अस्पताल भर्ना गरिएको बीबीसीले जनाएको छ। स्थानीय प्रहरीले आक्रमण गर्नेको पहिचानबारे अहिले कुनै जानकारी दिएको छैन।
जम्मू–कश्मीर प्रहरीका अतिरिक्त प्रहरी महानिर्देशक मुकेश सिंहले लिखित बयानमा गोलाबारी माथिल्लो डांगरी गाउँमा भएको पुष्टि गरेका छन्।
उनका अनुसार आइतबार साँझ करिब ५० मिटरको दूरीमा फरक–फरक तीन घरमा आक्रमणकारीले फायरिङ गरेका थिए।
समयमै पुगेको प्रहरीले पूरै क्षेत्र घेराबन्दी गरेको थियो। अहिले यो क्षेत्रमा पूरै आतंकको माहोल बनेको छ। आक्रमणकारीलाई पक्राउ गर्नका लागि पूरै क्षेत्रमा प्रहरीले सर्च अभियान चलाएको छ।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1786602170.png)
-1787821306.jpg)
-1786513116.png)
