पोखरा– निर्माण सुरु गरिएको साढे ५ वर्षपछि पोखरा अन्तर्राष्ट्रिय विमानस्थलको उद्घाटन भएको छ। आइतबार एक विशेष समारोहका बीच प्रधानमन्त्री पुष्पकमल दाहाल (प्रचण्ड)ले विमानस्थलको उद्घाटन गरे।
प्रधानमन्त्री प्रचण्डले दीप प्रज्वलन गरी विमानस्थलको उद्घाटन गरे। उद्घाटन अघि हेलिकोप्टरमार्फत् पुष्पवृष्टि गरिएको थियो।
1672561363.jpg)
उद्घाटन कार्यक्रममा उपप्रधान एवम् अर्थमन्त्री विष्णु पौडेल, गण्डकी प्रदेशका मुख्यमन्त्री कृष्णचन्द्र नेपाली पोखरेल लगायतको पनि उपस्थिति थियो।
विमानस्थल उद्घाटन समारोहमा पोखरावासीको पनि उत्साहजनक उपस्थिति रहेको छ।
पर्यटकीय नगरी पोखरालाई विश्वका अन्य देशसँग सीधा हवाई मार्गले जोड्ने उद्देश्यसहित विमानस्थलको निर्माण सुरु गरिएको थियो। चीनको ऋण सहयोगमा ४ वर्षमा निर्माण सकाउने लक्ष्यसहित १ वैशाख ०७३ मा विमानस्थलको शिलान्यास गरिएको थियो। निर्माणको जिम्मा पनि चिनियाँ कम्पनी सिएएमसी इन्जिनियरिङले पाएको थियो।
1672561361.jpg)
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1779770158.png)
-1764146706.png)
-1779545841.jpg)
