काठमाडौं– सन् २०२२ मा विश्वभर १३ करोड भन्दा धेरै बच्चा जन्मिएका छन्। यस्तै ६.५ करोडभन्दा बढी मानिसको मृत्यु भएको छ। यस्तै यस वर्ष विश्वभर ८ करोडभन्दा धेरै कार निर्माण भएका छन् भने २७ लाख भन्दा बढी किताब प्रकाशित भएका छन्।
सन् २०२२ का १३ तथ्य
१–१३ करोड शिशु जन्मिए
यस वर्ष विश्वभर करिब १३ करोड भन्दा बढी शिशु जन्मिएका छन्। विश्वभर जन्मिएका शिशुको संख्यामध्ये भारतमा सबैभन्दा धेरै छ। भारतमा मात्रै यस वर्ष साढे २ करोड शिशु जन्मिएका छन्। संयुक्त राष्ट्रका अनुसार जनसंख्या बढ्ने रफ्तार यही कायम रह्यो भने १४ अप्रिल २०२३ सम्म भारतको जनसंख्या चीनको भन्दा बढी हुनेछ।
२–मोटोपनबाट पीडित कति छन्?
विश्वभर मोटोपनबाट पीडितहरुको संख्यामा पनि वृद्धि भएको छ। यस वर्ष सबैभन्दा नाउरु देशमा ६१ प्रतिशत युवा मोटोपनका कारण पीडित भएका छन्। वर्ल्ड ओबेसिटी फेडेरेशनका अनुसार २०३० सम्म विश्वका हरेक पाँच मध्ये एक महिला र हरेक सातमध्ये एक पुरुष मोटोपनका समस्याबाट पीडित हुनेछन्।
३–कति कुपोषित छन्?
विश्वभर हाल ८६ करोडभन्दा बढी कुपोषणबाट प्रभावित छन्। यमनमा सबैभन्दा धेरै ४५ प्रतिशत जनसंख्या कुपोषण र भोकमरीबाट पीडित छन्। यस्तै दोस्रो स्गानमा सेन्ट्रल अफ्रिका गणराज्य रहेको छ। जहाँ ४४ प्रतिशत नागरिक कुपोषण र भोकमरीबाट पीडित छन्।
यस्तै संयुक्त राष्ट्रको ‘द स्टेट अफ फुड सेक्यूरिटी एण्ड न्यूट्रिशन इन द वर्ल्ड २०२२’का अनुसार भारतमा अहिले २२ करोडभन्दा बढी नागरिक कुपोषित छन्।
४–कति कार निर्माण भए?
विश्वमा सबैभन्दा बढी अर्थात् करिब १० मिलयन (एक करोड) कार टोयटाले निर्माण गरेको छ। करिब ८२ लाख कार निर्माण गर्दै भल्स भेगन दोस्रो स्थानमा रहेको छ। यद्यपि पछिल्लो पाँच वर्षमा भारतीय बजारमा मारुति सुजुकी सबैभन्दा ठूलो कम्पनी रहेको छ। मारुतीले हरेक वर्ष करिब १६ लाख कार उत्पादन गर्दै आएको छ।
५–कति साइकल बने?
विश्वमा सबैभन्दा बढी साइकल उत्पादन र बिक्री गर्ने कम्पनी जोयन्ट हो। यो कम्पनीले हरेक वर्ष करिब ७० लाखभन्दा बढी साइकल उत्पादन गर्दै आएको छ। साइकल उत्पादनको मामलामा भारत सबैभन्दा अघि छ। भारतको हिरो कम्पनीले मात्रै हरेक वर्ष ५० लाख भन्दा बढी साइकल उत्पादन गर्दै आएको छ।
६–कति किताब प्रकाशित भए?
पठन सामग्री इमेल इन्टरनेटमा पाइने भए पनि पुस्तक प्रकाशन हुने क्रम उस्तै छ। यो वर्ष विश्वभर करिब २७ लाख पु्स्तक प्रकाशन भएका छन्। जसमध्ये आरईएलएक्स कम्पनीले मात्र ४ लाख २० हजार पुस्तक प्रकाशन गरेको छ। बुक मार्केट २०१६ का अनुसार भारत पुस्तक प्रकाशन गर्ने देशमध्ये विश्वको छैठौं नम्बरमा रहेको छ।
७–कति हेक्टर जंगल फँडानी भयो?
हरेक वर्ष वन जंगल नासिने क्रम बढ्दो छ। वन संरक्षणका लागि विश्वभर ठूल्ठूला प्रयासहरु भए नि फँडानीको क्रम रोकिएको छ। यूएनका अनुसार ब्राजिलको अमेजन जंगलको वर्षावनमा सबैभन्दा धेरै रुख काटिएको छ।
यसवर्ष अमेजन जंगलमा ४८ लाख भन्दा बढी रुख काटिएका छन्। विश्वभर करिब ५० लाख ७८ हजार वन क्षेत्र फँडानी भएको छ।
८–कति कार्बन उत्सर्जन भयो?
अहिले विश्वको सबैभन्दा ठूलो चिन्ताको विषय बनेको छ कार्बन उत्सर्जन। यसको नियन्त्रणका लागि विभिन्न प्रयासहरु भए पनि शक्ति राष्ट्रहरुको प्रतिस्पर्धाका कारण कम हुन सकेको छैन। कार्बन उत्सर्जन गर्ने देशमा पहिलो नम्बरमा चीन रहेको छ।
चीनले हरेक वर्ष औसतन १ हजार टन कार्बन उत्सर्जन गर्दै आएको छ। ५४१ टन कार्बनका साथ अमेरिका दोस्रो स्थानमा रहको छ। यस्तै २६५ टनका साथ भारत कार्बन उत्सर्जन गर्ने देशहरुमा तेस्रो नम्बरमा रहेको छ।
९–खानेपानीको प्रयोग कति?
सन् २०२२ मा विश्वभर करिब ४ हजार लाख करोड लिटर खानेपानीको प्रयोग भएको छ। यसको अर्थ विश्वभर यो वर्ष १६० करोड स्विमङ पुल बराबर पिउने पानीको प्रयोग भएको छ। पिउने पानी बाहेक घरेलु काममा पनि यसको प्रयोग भएको छ।
पिउने पानीको सबैभन्दा बढी प्रयोग चीनमा भएको छ। चीनमा सबैभन्दा बढी ३६२ लाख करोड ग्यालेन र अमेरिकामा २१६ लाख करोड ग्यालेन पानीको प्रयोग भएको छ। तेस्रो नम्बरमा रहेको भारतमा हरेक वर्य ४० करोड ग्यालेन पिउने पानीको प्रयोग भएको छ।
१०–अवैध ड्रग्समा कति रकम लगानी?
विश्वभर यस वर्ष अवैध ड्रग्समा भारी लगानी भएको पाइएको छ। सन् २०२२ मा करिब ३२ लाख करोड भारतीय रुपैयाँ बराबर रकम अवैध ड्रग्समा प्रयोग भएको पाइएको छ।
विश्वभरमा अवैध ड्रुग्सको ६ वस्तुमा धेरै लगानी हुने गरेको छ। जसमा कोकिन, गाँजा, अफिम, एमडीएमए, ट्रयांकवलाइजर र सुघ्ने नशा जस्तै बोनफिस्क, कोडिन लगायत रहेका छन्।
११–कति कम्प्यूटर उत्पादन भए?
प्रविधिको विकाससँगै यससँग सम्बन्धित वस्तुको उत्पादन हरेक वर्ष बढ्दै आएको छ। यसवर्ष मात्रै विश्वभरमा करिब २३ करोड ३९ लाख कम्प्यूटर उत्पादन भएका छन्। सबैभन्दा धरै लेनोभो कम्पनीले उत्पादन गरेको छ।
यो कम्पनीले हरेक वर्ष २० लाख भन्दा धेरै कम्प्यूटर उत्पादन गर्दै आएको छ। दोस्रो नम्बरमा रहेको एचपीले हरेक वर्ष १८ लाखभन्दा धेरै कम्प्यूटर उत्पादन गर्दै आएको छ।
१२–विश्वभर कूल इन्टरनेट प्रयोगकर्ता
विश्वभर हरेक वर्ष इन्टरनेट प्रयोगकर्ताको संख्या उल्लेख्य रुपमा बढ्दै गएका छन्। सन् २०२२ मा ५४७ करोडले इन्टरनेट प्रयोग गरेका छन्। पूरै विश्वमा सबैभन्दा धेरै चीनमा इन्टरनेटको प्रयोग हुँदै आएको छ।
यहाँ १०२ करोडभन्दा बढी इन्टरनेट प्रयोगकर्ता छन्। यस्तै दोस्रो नम्बरमा रहेको भारतमा करिब ६५ करोड इन्टरनेट प्रयोगकर्ता रहेका छन्।
१३–कतिले गरे आत्महत्या?
बढ्दो व्यस्तता र अन्य कारणले हरेक वर्ष आत्महत्या गर्नेको संख्या बढ्दो छ। रोकथामका लागि विभिन्न प्रयासहरु भइरहे पनि ति सफल भएका छैनन्।
सन् २०२२ मा मात्रै विश्वभर १० लाख ४७ हजार मानिसले आत्महत्या गरेका छन्। आत्महत्या गर्ने दर सबैभन्दा बढी विकसित देशमा नै देखिन्छ।
सबैभन्दा धेरै आत्महत्या दक्षिण कोरियामा हुने गरेको छ। यहाँ हरेक एक लाखमध्ये २६ जनाले गत वर्ष आत्महत्या गरेका थिए।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1764383179.png)
-1764146706.png)
-1763721444.png)
-1763559424.jpg)
-1764080971.png)
