काठमाडौं– कम्बोडियाको एक होटलमा आगलागी हुँदा कम्तिमा १० जनाको मृत्यु भएको छ। होटल–क्यासिनो ग्य्राण्ड डायमण्ड सिटीमा आगलागी हुँदा उक्त संख्यामा मानिसको मृत्यु भएको हो।
यो होटल कम्बोडिया र थाइल्याण्डको सीमान्त सहर पोइपेटमा रहेको छ। प्रहरीका अनुसार होटलमा करिब ४०० जना थिए। सामाजिक सञ्जालमा पोस्ट गरिएको भिडिओमा केही मानिस माथिल्लो तलाबाट हाम फालिरहेका छन्।
स्थानीय मिडियाका अनुसार उक्त होटलमा थाइल्याण्डका मानिस पनि थिए। आगलागीको कारणबारे अनुसन्धान भइरहेको छ।
थाई विदेश मन्त्रालयका एक अधिकारीले एएफपीसँग कुरा गर्दै केही घाइतेलाई थाइल्याण्डको एओ प्रान्तको अस्पतालमा भर्ना गरिएको जानकारी दए।
पोइपेट सहर दुवै देशको बीचमा रहेको एक महत्त्वपूर्ण सीमा क्षेत्रमा पर्दछ। यहाँ कैयौं चर्चित क्यासिनो तथा होटल रहेका छन्।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1764383179.png)
-1764146706.png)
-1763721444.png)
-1763559424.jpg)
-1764080971.png)
