काठमाडौं– अफगानिस्तानमा महिलालाई विद्यालय, विश्वविद्यालयमा अध्ययन र एनजिओमा काम गर्नका लागि लगाइएको प्रतिबन्धबारे संयुक्त राष्ट्रसंघको सुरक्षा परिषद्ले चिन्ता व्यक्त गरेको छ।
सुरक्षा परिषद्ले मंगलबार एक बयान जारी गर्दै अफगानिस्तानमा महिला र युवतीका लागि समान र पूरा अधिकारको अपिल गरेको छ।
साथै तालिबान सरकारलाई विद्यालय पुन: खोल्न र आफ्ना ती नीतिमा परिवर्तन गरी मानवअधिकार र स्वतन्त्रताको उल्लंघन नगर्न अनुरोध गरेको छ।
हालै तालिबाल सरकारले महिला तथा युवतीलाई विश्वविद्यालय अध्ययनमा प्रतिबन्ध लगाएको थियो। साथै बालिकालाई ६ कक्षाभन्दा माथि अध्ययन गर्न निषेध गरिएको छ। यता युवती र महिलालाई एनजिओमा काम गर्न पनि प्रतिबन्ध लगाइएको छ।
यसमा सुरक्षा परिषद्ले भनेको छ, ‘महिलालाई एनजिओ र अन्तर्राष्ट्रिय संस्थामा काम गर्न प्रतिबन्ध लगाउनुले देशमा मानवीय सहयोगका लागि चलाइएका अभियान प्रभावित हुनेछन्।’
यसमा संयुक्त राष्ट्र संघद्वारा चलाइएका अभियान पनि छन्। ‘यो प्रतिबन्ध अन्तर्राष्ट्रिय समुदायको अपेक्षा र ती प्रतिबद्धताभन्दा तालिबान सरकारले अफगानी नागरिकसँग गरेको थियो’, परिषद्ले भनेको छ।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1764383179.png)
-1764146706.png)
-1763721444.png)
-1763559424.jpg)
-1764080971.png)
