काठमाडौं– रुसका पूर्व राष्ट्रपति तथा राष्ट्रपति भ्लादिमिर पुटिनका सहयोगी दिमित्री मेदवेदेवले सन् २०२३ लाई लिएर कयौं आशंका व्यक्त गरेका छन्।
उनले आगामी वर्ष अमेरिकामा गृहयुद्ध हुने र एलन मस्क अमेरिकाका आगामी राष्ट्रपतिसमेत बन्ने आशंका व्यक्त गरेका हुन्।
ट्विट गर्दै मेदवेदेवले अन्य कैयौं टिप्पणी पनि गरेका छन्। एलन मस्कले भने उनको ट्विटलाई सानदार थ्रेड बताएका छन्।
साथै दिमित्रीले आगामी वर्ष तेलको मूल्य १५० अमेरिकी डलर प्रतिब्यारेल पुग्ने र ग्यासको मूल्य पाँच डलर प्रति क्यूबिक मिटरसम्म पुग्ने बताएका छन्।
साथै बेलायत पुन: युरोपियन संघमा आवद्ध हुने र बेलायतको फिर्तिसँगै युरोपियन संघको विघटन हुने र युरोको इयू मुद्राको रुपमा प्रयोग हुन बन्ध हुने उनले टिप्पणी गरेका छन्।
यस्तै उनले युक्रेनलाई रुसबाट मात्र नभएर पोल्याण्ड र हंगेरीबाट पनि खतरा रहेको दिमित्रीले बताएका छन्। युक्रेनको पश्चिमी क्षेत्रमा पोल्याण्ड र हंगेरीले कब्जा गर्ने उनले उल्लेख गरेका छन्।
यस्तै उत्तरी आयरल्याण्ड बेलायतबाट अलग हुँदै आयरल्याण्ड गणराज्यमा समावेश हुने उनले बताएका छन्। साथै उनले अमेरिकामा आगामी वर्ष गृह युद्ध हुने आशंका व्यक्त गरेका छन्।
उनले भनेका छन्, ‘अमेरिकामा गृह युद्ध हुनेछ। त्यसपछि क्यालिफोर्नियाँ र टेक्सस स्वतन्त्र राज्य बन्नेछन्। गृह युद्ध सकिएपछि एलन मस्क कैयौं राज्यमा राष्ट्रपतिको चुनाव जित्नेछन्।’
पूर्व राष्ट्रपति दिमित्रीले युरोप र अमेरिकाको हातबाट विश्वअर्थतन्त्रको बागडोर फुत्किने टिप्पणी गरेका छन्। सबैभन्दा ठूलो स्टक मार्केट र आर्थिक गतिविधि अमेरिका र युरोपबाट उम्किएर एशियामा सिफ्ट हुने उनको भनाइ छ।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1764383179.png)
-1764146706.png)
-1763721444.png)
-1763559424.jpg)
-1764080971.png)
