गोर्खा आर्मीलाई खुकुरी रमको सम्मान, छात्रवृत्तिको समेत घोषणा

कर्पोरेट

नेपाल लाइभ बिहीबार, पुस ७, २०७९ २०:२२

पोखरा– खुकुरी रमको उत्पादक कम्पनी दी नेपाल डिस्टीलरिजले १२० जनाभन्दा बढी पूर्वगोर्खा सैनिकहरुलाई सम्मान गरेको छ।

पोखरामा बिहीबार साँझ एक समारोहको आयोजना गरी नेपाली र वीरताको पर्यायको रुपमा स्थापित सेवानिवृत गोर्खा सैनिकहरुलाई सम्मान गरेको हो। भारतीय सेना, ब्रिटिश सेना, सिंगापुर आर्मी लगायतमा काम गरी सेवानिवृतहरुको कार्यक्रममा सहभागिता रहेको थियो।

सो क्रममा कम्पनीले वीरता प्रदर्शन गरी भारतमा विभिन्न पदक पाएका इण्डियन आर्मीका रिटायर्ड सैनिक विष्णुप्रसाद श्रेष्ठ र क्विन एलिजावेथ लगायतका प्रतिष्ठित मेडलबाट सम्मानित ब्रिटिश आर्मीको मेजर पदबाट सेवानिवृत दिलबहादुर गुरुंगलाई विशेष सम्मान गरेको थियो।

कम्पनीको तर्फबाट मानव संशोधन प्रमुख जनकराज रेग्मीले श्रेष्ठ र गुरुङलाई विशेष प्रकारले सुसज्जित खुकुरी उपहार दिई सम्मान गरेका थिए।

यस्तै, कार्यक्रममा सहभागी १२० भन्दा बढी पूर्वगोरखा सैनिक र उनीहरुका पत्नीलाई समेत कम्पनीले टोकनअफ लभले सम्मान गरेको थियो।

कार्यक्रममा गोर्खा सैनिकहरुले नेपाल र नेपालीको नाम विश्वमा चम्काएका विषयमा वक्ताहरुले चर्चा गरेका थिए। गोर्खा सैनिकको वीरता र त्यसको प्रतिकको रुपमा रहेको खुकुरी र सोही नामबाट सर्वश्रेष्ठ रम उत्पादन गर्दै आएको कम्पनीले संस्थागत सामाजिक उत्तरदायित्वअन्तर्गत आयोजना गरेको कार्यक्रम महत्वपूर्ण रहेको उनीहरुले बताएका थिए।

कार्यक्रममा कम्पनीले आगामी वर्ष लडाइँको मैदानमा वीरता प्राप्त गर्ने गोर्खा सैनिकका २ जना बालबच्चालाई उच्च शिक्षासम्मका लागि पूर्ण छात्रवृतिको समेत घोषणा गरेको थियो।

कार्यक्रममा प्रमुख अतिथिको रुपमा रहेका गण्डकी प्रदेशका नेपाली सेनाका प्रमुख मेजर जनरल दीपककुमार बानियाँले खुकुरी रमले थालेको नौलो र महत्वपूर्ण प्रयासका लागि धन्यवाद दिएका थिए। उनले आफूले समेत विदेशका साथी तथा आफन्तलाई नेपालको उपहारको रुपमा खुकुरीको कोरोनेसन ब्राण्ड लैजाने गरेको उदाहरण दिँदै गोर्खा सैनिकहरुप्रति कम्पनीले देखाएको सदाशयताको प्रशंसा गरेका थिए। सो क्रममा उनले आफूहरु पूर्वसैनिकहरुसँग सहकार्य गर्न तयार रहेको समेत बताएका थिए।

गोर्खा समाज पोखराका अध्यक्ष लक्ष्मीबहादुर गुरुङले देशले आफूहरुलाई बिर्सिएको भन्दै नेपाल डिस्टीलरिजले चाहिँ सम्झिएर सम्मान गरेकोमा धन्यवाद ज्ञापन गरेका थिए।

उनले कम्पनीसँग सहकार्यको सुरुवात भएको र भविष्यमा यो अझै घनिभूत हुने विश्वास व्यक्त गरेका थिए।

सम्मानपछि कम्पनीले पूर्वगोर्खा सैनिक र उनीहरुका परिवारका लागि रात्रिभोजको समेत आयोजना गरेको थियो।

नेपाललाइभमा प्रकाशित सामग्रीबारे कुनै गुनासो, सूचना तथा सुझाव भए हामीलाई nepallivenews@gmail.com मा पठाउनु होला।

प्रतिक्रिया दिनुहोस्

नेपाल लाइभ Nepal’s independent digital media. Offers quick current affairs update, analysis and fact-based reporting on politics, economy and society.http://nepallive.com

लेखकबाट थप

५९ लाख मेट्रिकटन धान उत्पादन हुने प्रारम्भिक अनुमान

सूर्यदर्शन सहकारी ठगी : प्रतिवादीतर्फका कानुन व्यवसायीको बहस सुरू

भारतले चीनको मेगा तिब्बत बाँध परियोजनाको निगरानी गर्ने