शिक्षक हत्या प्रकरण: जिल्लाभरका विद्यालय बन्द

सुरक्षा/अपराध

नेपाल लाइभ बिहीबार, पुस ७, २०७९ ०९:२४

बैतडी– बैतडीका शिक्षक धनबहादुर विष्ट हत्या प्रकरणको सत्यतथ्य छानबिनको माग गर्दै शिक्षकका पेशागत संघसंगठनले आज जिल्लाभरी शिक्षण संस्था बन्दको आह्वान गरेका छन्।

बुधबार आन्दोलनका कार्यक्रम घोषणा गर्दै आज (बिहीबार) जिल्लाभरी शिक्षण संस्था बन्दको आह्वान गरिएको संघर्ष समितिका सहसंयोजक लक्ष्मण बोहराले बताए।

शिक्षक विष्टको हत्यामा संलग्नको पहिचान भएको भन्ने खबर बाहिर आए पनि आधिकारिक रुपमा सार्वजनिक हुन बाँकी रहेकाले विद्यालय बन्दको कार्यक्रम यथावत रहेको उनले बताए।

शिक्षक विष्टको शव अझै आफन्तहरुले बुझि नसकेको अवस्था र घटनाका दोषी पनि सार्वजनिक हुन बाँकी रहेकाले पूर्वघोषित कार्यक्रम यथावत रहेको बोहराले बताए।

कृष्ण मावि पाटनमा अध्यापन गराउँदै आएका शिक्षक धनबहादुर विष्ट पुस २ गते शनिबार मृत अवस्थामा फेला परेका थिए। उनको हत्या नै भएको प्रहरीको निष्कर्ष रहेको छ।

सीआइबीको टोलीसहित अनुसन्धानमा खटेको प्रहरीले शिक्षक विष्टको हत्या भएको र त्यसकाबारेमा विस्तृत विवरण आउन बाँकी रहेको जनाएको छ। घटनाको अझै पनि अनुसन्धान भइरहेको प्रहरी निरीक्षक योगेश खत्रीले बताए।

नेपाललाइभमा प्रकाशित सामग्रीबारे कुनै गुनासो, सूचना तथा सुझाव भए हामीलाई nepallivenews@gmail.com मा पठाउनु होला।

प्रतिक्रिया दिनुहोस्

नेपाल लाइभ Nepal’s independent digital media. Offers quick current affairs update, analysis and fact-based reporting on politics, economy and society.http://nepallive.com

लेखकबाट थप

जय नेपाल कप शुरु, त्रिभुवन विश्वविद्यालयको बिजयी सुरुआत

स्ववियु निर्वाचन चैत ५ गते हुने

स्वास्थ्य बीमा सुधारका लागि स्वास्थ्यमन्त्री प्रदीप पौडेलद्वारा आन्तरिक थालनी, कार्ययोजना बनाउने प्रक्रिया सुरु