बैतडी घटनाः शिक्षकको हत्या भएको खुलासा, 'आरोपी' बिहीबार सार्वजनिक गरिने

सुरक्षा/अपराध

नेपाल लाइभ बुधबार, पुस ६, २०७९ २१:३३

बैतडी– बैतडीको पाटन नगरपालिका ६ मा पर्ने कृष्ण माविका शिक्षकको हत्या भएको खुलासा भएको छ। शिक्षक धनबहादुर विष्टको गत पुष १ गते शुक्रबार राति छात्रावास नजिकै हत्या भएको अनुसन्धानबाट खुलेको बैतडी प्रहरीले जनाएको छ।

हत्यामा संग्लनहरूलाई बिहीबार सार्वजनिक गरिने भएको छ।

शिक्षक विष्टको पुष २ गते छात्रावास पछाडिको झाडीमा शव फेला परेको थियो। मादक पदार्थ सेवन गरी लडेर उनको मुत्यृ भएको अनुमान गरिएको थियो। तर उनका परिवारले हत्याको आशंका गरेपछि अनुसन्धान थालिएको थियो।

सुनर्या गाउँपालिका– २ स्थायी घर भएका शिक्षक विष्टको पिकनिकबाट आएपछि छात्रावासमा हत्या भएको प्रहरीको दाबी छ।

शिक्षक विष्टको न्यायका लागि ५ दिनदेखि शिक्षक, विद्यार्थी र आफन्त आन्दोलित छन् । आन्दोलित समूहले पाटन नगरपालिकाका विद्यालय, बजार र यातायात दुई दिनदेखि बन्द गराएका छन्।यस्तै, पाटन नगरपालिकाको कार्यालयतालाबन्दी गरिएको छ।

नेपाललाइभमा प्रकाशित सामग्रीबारे कुनै गुनासो, सूचना तथा सुझाव भए हामीलाई nepallivenews@gmail.com मा पठाउनु होला।

प्रतिक्रिया दिनुहोस्

नेपाल लाइभ Nepal’s independent digital media. Offers quick current affairs update, analysis and fact-based reporting on politics, economy and society.http://nepallive.com

लेखकबाट थप

जय नेपाल कप शुरु, त्रिभुवन विश्वविद्यालयको बिजयी सुरुआत

स्ववियु निर्वाचन चैत ५ गते हुने

स्वास्थ्य बीमा सुधारका लागि स्वास्थ्यमन्त्री प्रदीप पौडेलद्वारा आन्तरिक थालनी, कार्ययोजना बनाउने प्रक्रिया सुरु