तोलामा ८०० रुपैयाँले बढ्यो सुनको मूल्य

अर्थ समाचार

नेपाल लाइभ बुधबार, पुस ६, २०७९ १२:१३

काठमाडौं– साप्ताहिक कारोबारको चौथो दिन आज (बुधबार) नेपाली बजारमा पहेँलो धातु (सुन)को मूल्य बढेको छ। बुधबार सुनको मूल्य तोलामा ८०० रुपैयाँले बढेको नेपाल सुनचाँदी व्यवसायी महासंघले जनाएको छ।

बुधबार छापावाल सुनको मूल्य प्रतितोला १ लाख १ हजार २०० रुपैयाँ पुगेको छ। यस्तै, तेजाबी सुनको मूल्य १ लाख ७०० रुपैयाँ प्रतितोला पुगेको छ।

यसअघि मंगलबार भने सुनको मूल्य तोलामा १०० रुपैयाँले घटेको थियो। मंगलबार छापावाल सुन प्रतितोला १ लाख ४०० रुपैयाँ र तेजाबी सुन प्रतितोला ९९ हजार ९०० रुपैयाँमा किनबेच भएको थियो।

बुधबार चाँदीको मूल्य पनि तोलामा २५ रुपैयाँले बढेर प्रतितोला १ हजार ४०० रुपैयाँ पुगेको छ। यसअघि मंगलबार चाँदी प्रतितोला १ हजार ३७५ रुपैयाँमा किनबेच भएको थियो।

नेपाललाइभमा प्रकाशित सामग्रीबारे कुनै गुनासो, सूचना तथा सुझाव भए हामीलाई nepallivenews@gmail.com मा पठाउनु होला।

प्रतिक्रिया दिनुहोस्

नेपाल लाइभ Nepal’s independent digital media. Offers quick current affairs update, analysis and fact-based reporting on politics, economy and society.http://nepallive.com

लेखकबाट थप

अमेरिका र रुसबीच मङ्गलबार रियादमा ‘फलो-अप बैठक’

प्रचण्ड आउने दिन विद्यालय बन्द गर्न माओवादीको पत्र

पाथीभरा केबलकार निर्माण विवाद: ‘नो केबलकार’ समूहलाई सरकारले बोलायो वार्तामा