बैतडी– बैतडीका शिक्षक धनबहादुर विष्ट मृत्यु प्रकरणको सत्यतथ्य छानबिनको माग गर्दै थप आन्दोलन चर्किएको छ।
मंगलबार गठन भएको संघर्ष समितिले बुधबार बिहानदैखि दशरथचन्द राजमार्ग अवरुद्ध गरेको छ। यही पुष २ गते शनिबार पाटनमा मृत फेला परेका शिक्षक विष्टको हत्या भएको परिवारजनले आशंका गरेका छन्।
पौष १ गते एकजना शिक्षकको स्वागत भोजमा सरिक भएका शिक्षक भोलिपल्ट मृत अवस्थामा फेला परेका थिए। सुर्नया गाउँपालिका २ ग्वानी घर भएका शिक्षक विष्ट कृष्ण मावि पाटनमा अध्यापन गराउँदै आएका थिए।
शिक्षक विष्टको भवितब्यमा मृत्यु नभइ हत्या गरिएको भन्दै संघर्ष समितिले चाँडै दोषी पत्ता लगाउन आग्रह गरेको छ। यस्तै पाटन नगरपालिका क्षेत्रभित्रका विद्यालय आज पनि बन्द रहने भएका छन्।
संघर्ष समितिको आन्दोलनको कार्यक्रम अनुसार आज पनि विद्यालय बन्द रहने बताइएको छ। मृतकका आफन्तले अझै पनि शव बुझेका छैनन्। घटनाको अनुसन्धानका लागि सीआइबीको टोलीलेसमेत काम गरिरहेको छ।
मंगलबार पुगेको टोलीले घटनाको अनुसन्धान गरिरहेको जिल्ला प्रहरी कार्यालयका प्रवक्ता प्रहरी निरीक्षक योगेश खत्रीले जानकारी दिए। मंगलबार ४ जना शिक्षक र ७ जना विद्यार्थीलाई नियन्त्रणमा लिएर सोधपुछ कार्य जारी रहेको उनले बताए। घटनाका विषयमा सुक्ष्म तरिकाले अनुसन्धान भइरहेको प्रहरी निरीक्षक खत्रीले बताए।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1776337761.png)
-1764146706.png)
