काठमाडौं– बाँकी रहेको एउटा मात्रै चाहना विश्वकप ट्रफी चुम्ने सपना स्टार अर्जेन्टाइन खेलाडी लियोनल मेसीले पूरा गरे। लामो प्रतीक्षापछि सपना पूरा गरेका मेसी अब फेरि आफ्नो भविष्यलाई लिएर गरिने प्रश्नबाट घेरिने संघारमा आइपुगेका छन्।
यही सिजनको अन्त्य अर्थात् आगामी जुनमा फ्रेन्च लिग वान क्लब पेरिस सेन्ट जर्मेन (पीएसजी)सँगको मेसीको सम्झौता सकिँदैछ। त्यसपछिको मेसीको गन्तव्य कता? भन्ने प्रश्नहरु तेर्सिन थालेका छन्। स्पेनिस ला–लिगा क्लब बार्सिलोनाले मेसीका गतिविधिलाई सुक्ष्म रुपमा नियाल्दै पुनः बार्सिलोना फर्काउने प्रयास सुरु गरेको छ।
मेसीसँग पीएसजीसँगै थप सम्झौता गर्दै लम्ब्याउने, पूर्वक्लब बार्सिलोना फर्कने वा अमेरिकन क्लब इन्टर मियामी जाने भन्ने विकल्पहरु अहिले खुला छन्।
फर्केलान् बार्सिलोना?
मेसीले विश्वकपको ट्रफी उचाल्नासाथ बार्सिलोनाका अध्यक्ष जोन लापोर्टाले ट्वीटरमा मेसीलाई धन्यवाद दिएका थिए। ‘बधाई छ लियो! यसका लागि तिमी योग्य थियौ। यो क्षणका लागि फुटबल ऋणी छ।’
यसले लापोर्टा र मेसीबीचको सम्बन्ध सुमधुर रहेको देखाउँछ। जसकारण मेसी बार्सिलोना फर्कन सक्ने बताइएको छ। बार्सिलोना क्लबले आफ्नो अफिसियल सामाजिक सञ्जालहरुबाट पनि मेसीलाई बधाई दिइरहेको छ।
लापोर्टा बार्सिलोनाका अध्यक्षमा निर्वाचित भएपछि मेसीलाई बार्सिलोनामै राख्नका लागि हर प्रयास गरेका थिए। बार्सिलोना छाड्नुपर्दा मेसी पनि भावुक भएका थिए। मेसीलाई पनि यो थाहा छ कि बार्सिलोनामा रहँदा उनले सबथोक क्लबबाट पाएका थिए भने उनले पनि क्लबका लागि सबैथोक दिएका थिए।
बार्सिलोनामा रहँदा ४ वटा च्याम्पियन्स लिग, १० ला लिगा, ७ कोपा डेल रे, ३ क्लब वर्ल्डकप, ३ युरोपियन्स सुपर कप र ८ स्पेनिस सुपर कपको उपाधि मेसीले जितेका थिए।
पुराना साथीहरूसँग पुनर्मिलन गर्न जालान् मियामी?
मेसी जान सक्ने अर्को विकल्पको रुपमा मियामीलाई पनि हेरिएको छ। आफ्नो सुनौलो अवकाशका लागि मेसी मियामी पुग्नसक्ने आकलन पनि गरिएको छ। डेभिड बेक्ह्यामको समेत लगानी रहेको मियामीले मेसीलाई अनुबन्धन गर्न चाहेको विषय यसअघि नै सार्वजनिक भएको थियो।
जुन कुरा बेक्ह्यामले समेत लुकाएका छैनन्। मेसीले समेत केही लगानी मियामी शहरमा गरेका छन्। बेक्ह्यामको प्रस्ताव स्वीकारेको अवस्थामा उनलाई वार्षिक १४ मिलियन तिर्न मियामी तयार रहेको छ। मियामीमा मेसीका नजिकका साथी सर्जियो बुस्केट्स र लुईस स्वारेजसँग पनि जोडिएको छ।
पीएसजी
विश्वकप सकिएलगत्तै पीएसजीका अध्यक्ष नासेर अल खेलाइफीले मेसीको निरन्तरताबारे छलफल गरिसकेको मार्काले दाबी गरेको छ। पहिलो सिजन त्यति जम्न नसकेका मेसीले दोस्रो सिजन पीएसजीमा उत्कृष्ट प्रदर्शन गरिरहेका छन्। च्याम्पियन्स लिग जित्ने लक्ष्यसहित पीएसजी भित्रिएका मेसी अर्को सिजन समेत रहन सक्ने अनुमान गरिएको छ।
नेपाललाइभमा प्रकाशित सामग्रीबारे कुनै गुनासो, सूचना तथा सुझाव भए हामीलाई nepallivenews@gmail.com मा पठाउनु होला।
![सय दिने प्रगति विवरण सार्वजनिक गर्दै प्रधानमन्त्री केपी ओली [प्रत्यक्ष प्रसारण]](https://nepallive.net/uploads/posts/500X300/kllllllllll-1729675876.jpg)
![Nepal Live Samachar नेपाल लाइभ समाचार, भदौ १९ [भिडियाे]](https://nepallive.net/uploads/posts/500X300/samachar++-1725458095.jpg)
![प्रधानमन्त्रीसँग प्रश्नोत्तर [प्रत्यक्ष प्रशारण]](https://nepallive.net/uploads/posts/500X300/PMM-(1)-1718866650.jpg)
![भारत भ्रमणबारे प्रतिनिधि सभा बैठकमा जवाफ दिँदै प्रधानमन्त्री प्रचण्ड [प्रत्यक्ष प्रशारण]](https://nepallive.net/uploads/posts/500X300/prachanda-sansad-1710309847.jpg)
![Nepal Live Samachar नेपाल लाइभ समाचार, जेठ ३० [भिडियाे]](https://nepallive.net/uploads/posts/500X300/samachar++-copy.jpg-30-1718203418.jpg)
-1745137918.png)
-1743318385.png)
