काठमाडौं– अस्ट्रेलिया सरकारले आफ्नो देशका पूर्वप्रधानमन्त्री केभिन रुडलाई अमेरिकाका लागि राजदूत नियुक्त गरेको छ। रुड चीन र चिनियाँ राष्ट्रपति सी चिन फिङको विचारधाराका शोधकर्ता हुन्।
रुडले गत सेप्टेम्बरमा चिनियाँ राष्ट्रपति सीको ‘विश्व दृष्टिकोण’ विषयलाई केन्द्रमा राखेर अक्सफोर्ड विश्वविद्यालयबाट विद्यावारिधीको शोध पूरा गरेका थिए। यस्तै, ‘फरेन अफेर्यस’ को पछिल्लो अङ्कमा रुडको चिनियाँ राष्ट्रपति सीलाई केन्द्रमा राखेर लामो लेख प्रकाशित भएको थियो। रुड अन्तराष्ट्रिय थिङ्कट्याङ्क ‘एसिया सोसाइटी’ का प्रमुख हुन्।
प्रधानमन्त्री एन्थोनी अल्बानिजले रुडलाई मंगलबार राजदूतमा सिफारिस गरेका हुन्। प्रधानमन्त्री र विदेशमन्त्रीका रूपमा रहँदा रुडले अमेरिकासँगको सम्बन्ध विस्तारमा उल्लेखनीय योगदान गरेकोले प्रधानमन्त्री अल्बानिजले राजदूतमा सिफारिस गरेको अन्तराष्ट्रिय संचार माध्यमले बताएका छन्।
यता राजदूतमा नियुक्त भएपछि रुडले आफूलाई सम्मानित महसूस भएको बताएका छन्। समाजिक संजाल ट्वीटरमा रुडले लेखेका छन्, ‘अमेरिकाको लागि राजदूतको रूपमा मनोनित गर्ने अस्ट्रेलिया सरकारको निर्णयबाट मलाई सम्मानित महसुस भएको छ।’
पछिल्ला वर्षहरुमा अमेरिकामै रहेका रुडको त्यहाँस्थित व्यवसायी, नागरिक समाज लगायत सत्ताधारी डेमोक्रयाट्स र विपक्षी रिपब्लिकनका नेताहरूसँग निकट सम्बन्ध रहेकाले दुई देशको सम्बन्धलाई थप उचाइमा लाने विश्वास लिएका छन्।
रुडले आगामी मार्चबाट आफ्नो कार्यभार सम्हाल्ने छन्।
६५ बर्षीय रुड लेबर पार्टीका नेता हुन्। रुड सन् २००७ देखि २०१० सम्म र २०१३ मा छोटो समयका लागि अस्ट्रेलियाको प्रधानमन्त्री भएका थिए। त्यो बीचमा उनी अस्ट्रलियाका विदेशमन्त्री पनि भएका थिए। पूर्वप्रधानमन्त्रीलाई नै राजदूतमा सिफारिस गरिएको अस्ट्रेलियाको इतिहासमा पहिलोपटक हो। यसअघि केही मन्त्री भइसकेका व्यक्तिहरु राजदूतको भूमिकामा रहेका थिए।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1764383179.png)
-1764146706.png)
-1763721444.png)
-1763559424.jpg)
-1764080971.png)
