काठमाडौं– संसद् सचिवालयका महासचिव डा भरतराज गौतमले तत्कालीन प्रतिनिधि सभाको कार्यकाल समाप्त भएसँगै चोलेन्द्र शमशेर राणाविरुद्ध दर्ता भएको महाभियोग निष्क्रिय भएको दाबी गरेका छन्।
तत्कालीन प्रधानन्यायाधीश राणविरुद्ध गत फागुन १ मा संसद्मा दर्ता भएको महाभियोग प्रस्ता निष्क्रिय भएको पत्र काटेसँगै गौतमविरुद्ध सर्वोच्च अदालतमा रिट दर्ता भएको थियो। गौतमको पत्रलाई निष्क्रिय पार्दै अदालतले सात दिनभित्र जवनफ दिन आदेश गरेको थियो।
गौतमले आइतबार सार्वोच्चलाई जवाफ दिँदै अघिल्लो संसद्को कार्यकाल सकिएसँगै राणाको महाअभियोग निष्क्रिय भएको दाबी दोहोर्याएका छन्।
‘प्रतिनिधि सभाको कार्यकाल समाप्त भएको सम्बन्धमा नेपालको संविधानको धारा १११ को उपधारा (१०) को प्रतिबन्धात्मक वाक्यांशमा रहेको ‘तर कुनै विधेयक प्रतिनिधि सभामा प्रस्तुत भई विचाराधीन रहेको वा प्रतिनिधि सभामा पारित भई राष्ट्रिय सभामा विचाराधीन रहेको अवस्थामा प्रतिनिधि सभा विघटन भएमा वा त्यसको कार्यकाल समाप्त भएमा त्यस्तो विधेयक निष्क्रिय हुनेछ’ भन्ने उल्लेख गरेको गौतमले बताएका छन्।
‘यही संवैधानिक व्यवस्थालाई मध्यनजर गर्दा प्रतिनिधि सभाको कार्यकाल समाप्त भइसकेको तथा निर्वाचनबाट नयाँ प्रतिनिधि सभाका सदस्यहरु आइसकेकाले महाभियोग सिफारिस समितिको प्रतिवेदन उपरको कारबाहीको निरन्तरता कायम रहने देखिँदैन,’ गौतमले सर्वोच्चलाई दिएको जवाफमा भनेका छन्।
राणालाई लागेको महाभियोगको सन्दर्भमा गठित छानबिन समितिले महाभियोग सफिरिस गरेसँगै संसद्को कार्यकाल सकिएको थियो। गौतमले मंसिर २१ गते राणालाई संसदको कार्यकाल सकिएको भन्दै ‘क्लिन चिट’ दिएका थिए। राणाले मंसिर २६ मा अनिवार्य अवकाश भइसकेका छन्।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1764146706.png)
-1779545841.jpg)
