काठमाडौं– नेकपा एमालेको समानुपातिक सूचीमा भर्खरै पार्टी प्रवेश गरेका ‘आयातित’हरुले अवसर पाएका छन्। एमालेमै संघर्ष गरेकाहरुलाई भन्दा ‘आयातित’हरुलाई समानुपातिक सूचीमा शीर्ष क्रममा राखिएको थियो।
शनिबार बसेको बैठकले चुनावको संघारमा अर्कै पार्टीबाट आएका ६ जनालाई समानुपातिकबाट सांसद बनाउनेगरी निर्वाचन आयोगमा सूची बुझाएको छ।
एमालेले बुझाएको खसआर्य कलस्टरको दोस्रो नम्बरमा अर्कै पार्टीका अध्यक्ष छन्। उनी हुन् नेपाल परिवार दलका अध्यक्ष एकनाथ ढकाल। अघिल्लोपटक पनि एमालेकै समानुपातिक सूचीको पाँचौं नम्बरमा रहेका उनले सांसद बन्न पाएनन्। त्यसैले यसपल्ट ‘ग्यारेन्टी’सहित दोस्रो नम्बरमा राखिएका थिए।
एमालेका नेता-कार्यकर्ताले भिडेर ल्याएको भोट अर्कै पार्टीका अध्यक्ष सांसद् बनाउन नभएको भन्दै चर्को विरोध पनि भएको थियो। तर, पार्टी अध्यक्ष केपी शर्मा ओलीसँग निकट ढकाल रोकिएनन्।
चुनावकै संघारमा एमालेमा प्रवेश गरेर समानुपातिकक सांसद् बन्नेहरु अरु पनि छन्। एमालेले आदिबासी जनजातिअन्तर्गत पठाएका २ जना आयातित हुन्।
यो कलस्टरबाट चुनावकै बेला पार्टी परिवर्तन गरेका व्यवसायी देविप्रसाद भट्टचन पुरुषमा पहिलो नम्बरमै परे। एमाले प्रवेश गर्नुअघि उनी कांग्रेसमा आबद्ध थिए। उनलाई कांग्रेस सभापति शेरबहादुर देउवाले १४औँ महाधिवेशनअघि २०७८ साउन १५ गते संगठन विभागको उपप्रमुखमा मनोनित गरेका थिए। तर उनले यही निर्वाचनमा पहिलो प्रयास भने कांग्रेसबाट बाग्लुङ- २ बाट प्रत्यक्ष उम्मेदवार बन्ने थियो। जिल्लाबाट उनी प्रत्यक्षमा नभइ समानुपातिकबाट सिफारिस भए।
सोही कलस्टरको दोस्रो नम्बरमा छन् पूर्वमन्त्री हेमराज राई। उनलाई एमालेले सांसद बनाउने वाचासहित पार्टीमा भित्र्याइएको थियो। राई चुनावअघि जनता समाजवादी पार्टी छाडेर एमालेमा आइपुगेका हुन्। उनी एमाले प्रवेश गर्नुअघि जसपा उपाध्यक्ष थिए।
मधेसी कोटामा पठाइने ५ जनामा पनि ३ जना पार्टी फेरेकाहरु परेका छन्। मधेसी कोटाबाट पूर्व उपसभामुख गंगाप्रसाद यादव पुरुष कलस्टरको पहिलो नम्बरमा छन्। उनी २०७४ मा राष्ट्रिय प्रजातन्त्र पार्टीबाट एमाले प्रवेश गरेका हुन्।
कांग्रेसबाट दुईपटक संविधान सभा सदस्य भइसकेका अमृतलाल राजवंशी मधेसी कोटाकै दोस्रो नम्बरमा छन्। उनी फेरि सांसद बन्नकै लागि कांग्रेसबाट चुनावअघि एमाले प्रवेश गरेका हुन्।
समानुपातिक सूची बनाउनु अघिल्लो दिन एमाले प्रवेश गरेकी अमृता अग्रहरिले पनि अवसर पाएकी छिन्। यसअघि उनी जनता समाजवादी पार्टीबाट सांसद् बनेकी थिइन्।
उनलाई नेकपा एमालेको सचिवालय बैठक चलिरहेका बेला एमाले अध्यक्ष ओली खादा लगाएर पार्टी प्रवेश गराएका थिए। अध्यक्ष ओलीकै तजबिजमा उनी मधेसी कोटाको दोस्रो नम्बरमा पर्न सफल भएकी थिइन्।
एमालेले ‘अल्पसंख्यक’को कोटासमेत पूर्ती गर्नेगरी सांसद् बनाइएका राजवंशी कांग्रेसका वडास्तरका कार्यकर्ताले समेत पत्याउन छाडेका थिए। उनी गत मंसिरमा भएको १४औं महाधिवेशनमा कांग्रेस महाधिवेशन प्रतिनिधि हुन खोज्दा वडामै पराजित भएका थिए।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1775455666-1775459306.jpeg)
-1764146706.png)
