सानदार जित निकाल्दै पोर्चुगल क्वार्टरफाइनलमा, सेमिफाइनल प्रवेशका लागि मोरक्कोसँग भिड्ने

फुटबल

नेपाल लाइभ बुधबार, मंसिर २१, २०७९ ०२:४८

काठमाडौं– स्विट्जरल्याण्डमाथि ६–१ को सानदार जित निकाल्दै पोर्चुगल कतारमा जारी विश्वकप फुटबलको क्वार्टरफाइनलमा प्रवेश गरेको छ।

गोन्सालो रामोसले १७ मिनेटमै गोल गर्दैे पोर्चुगललाई सुरुवाती अग्रता दिलाएका थिए। फेरि ३३ औँ मिनेटमा पेपेले गोल गर्दै अग्रता दोब्बर बनाए। त्यसपछि पुनः रामोसको ५१ औँ मिनेटमा गोल गर्दै पोर्चुगलको अग्रता तेब्बर पारे। फेरि ५५ मिनेटमा राफायल गुइरेरोले ४ गोलको अग्रता दिलाए।।

त्यसपछि भने स्विट्जरल्याण्डले सान्त्वना गोल फर्कायो। आकान्जीले ५८ मिनेटमा गाले गर्दै पोर्चुगलसँगको अग्रता घटाए।

तर, पोर्चुगल त्यतिमै रोकिएन। रामोसले पुनः ६७ औँ मिनेटमा गोल गर्दै ह्याट्रिक पूरा गरे। त्यसपछि प्रतिस्थापन खेलाडी राफायल लियोले ९२ मिनेटमा गोल गर्दै पोर्चुगलको ६–१ को सानदार जित सुनिश्चित पारे।

यससँगै विश्वकपको क्वार्टरफाइनल समीकरण पूरा भएको छ।

अब पोर्चुगलले सेमिफाइनल प्रवेशका लागि शनिबार मोरक्कोसँग प्रतिस्पर्धा गर्नेछ। शनिबार नै इंग्ल्याण्ड र फ्रान्सबीच अर्को खेल हुनेछ।

यसअघि शुक्रबार शुक्रबार क्वार्टरफाइनलका दुई खेल हुनेछन्। जसमा ब्राजिल र क्रोएसिया तथा अर्जेन्टिना र नेदरल्याण्ड्स भिड्नेछन्।

नेपाललाइभमा प्रकाशित सामग्रीबारे कुनै गुनासो, सूचना तथा सुझाव भए हामीलाई nepallivenews@gmail.com मा पठाउनु होला।

प्रतिक्रिया दिनुहोस्

नेपाल लाइभ Nepal’s independent digital media. Offers quick current affairs update, analysis and fact-based reporting on politics, economy and society.http://nepallive.com

लेखकबाट थप

सदनमा सशक्त रुपमा प्रस्तुत हुन अध्यक्ष प्रचण्डको निर्देशन

नेपालगञ्जस्थित भेरी अस्पतालबाट मिर्गौला प्रत्यारोपण सेवा सुरु

रास्वपा संसदीय दलको बैठक बस्दै