काठमाडौै– केलियन एमबाप्पेकाे उत्कृष्ट खेलमा पाेल्याण्डलाई ३–१ गाेलले पराजित गर्दै डिफेन्डिङ च्याम्पियन फ्रान्स कतारमा जारी विश्वकपकाे क्वाटरफाइनलमा प्रवेश गरेकाे छ।
फ्रेञ्च अंग्रपक्तिलाई राेक्ने कुनै याेजना नहुँदा पाेल्याण्डले निर्धारित ९० मिनेटमा तीन गाेल खाएकाे थियाे। फ्रान्सकाे तीन वटै गाेलमा एमबाप्पेकाे प्रभाव रह्याे।
उनले पहिलाे हाफकाे ४४ मिनेटमा ओलिभर जिरुडलाई गाेल गर्न माैका जुराइदिएका थिए। दाेस्राे हाफमा उनले दुई गाेल थपे।
एमबाप्पेले ७४ मिनेटमा ओस्माने डेम्बेलेकाे पासमा गाेल गरे। निर्धारित ९० मिनेटपछि थप गरिएकाे १० मिनेटकाे समयकाे पहिलाे मिनेटमै थुरामकाे पासमा पुन: अर्काे गाेल थपे।
उनलकाे ‘पेस’ लाई राेक्न अस्टन भिल्लाका पाेलिस डिफेन्डर म्याट क्यास, कामिल जिलिक र बार्टाेज बेरेजेनेस्कीलाई हम्मे परेकाे थियाे।
एमबाप्पेले जारी विश्वकपमा पाँचाैं गाेल पुरा गरेका छन्। उनी गाेल्डेन बुटकाे सूचीमा सबैलाई उछिन्दै अगाडि पुगेका छन्। गत विश्वकपमा उनले ४ गाेल गरेका थिए।
जिरुडले पनि फ्रान्सबाट सर्वाधिक गाेल गर्ने कीर्तिमान बनाए। उनले पूर्वस्टार थियरी हेनरीकाे ५१ गाेलकाे कीर्तिमानलाई पछाडि छाेड्दै ५२ गाेल पुरा गरेका छन्।
पाेल्याण्डले ९६ मिनेटमा पेनाल्टीकाे अवसर पाएकाे थियाे। राेबर्ट लेवान्डाेस्कीले हानेकाे पहिलाे पेनाल्टीलाई फ्रान्सका गाेलरक्षक ह्युगाे लाेरिसले समातेका थिए। तर उनले पेनाल्टी प्रहार गर्नुअघि नै फ्रान्सका खेलाडी डिबक्सभित्र प्रवेश गरेकाे भन्दै पुन: पेनाल्टीकाे अवसर प्रदान गरिएकाे थियाे।
दाेस्राे प्रयासमा लेवान्डाेस्कीले गाेल गरे। उनकाे याे विश्वकपमा दाेस्राे गाेल थियाे। तर उनले आफ्नाे टिमलाई जाेगाउन सकेनन्।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1764146706.png)
