पहिलो हाफमा घानाविरुद्ध उरुग्वेको उत्कृष्ट प्रदर्शन, छनोट हुने दिशामा अघि बढ्यो

फुटबल

नेपाल लाइभ शुक्रबार, मंसिर १६, २०७९ २१:४२

काठमाडौं– घानाविरुद्ध उत्कृष्ट प्रदर्शन गर्दै उरुग्वे नकआउट चरण प्रवेशतर्फ अघि बढेको छ। अर्को चरण प्रवेशका लागि जित्नै पर्ने दबाबमा रहेको उरुग्वेले उत्कृष्ट प्रर्दशन गरेको छ।

पहिलो हाफ सकिँदा उरुग्वेले २–० को अग्रता बनाएको छ। खेलको २६औं मिनेटमा डी एरेस्केटाले गोल गर्दै सुरुवाती अग्रता दिलाएका थिए । उनले हेडमार्फत् गोल गरेका थिए।

खेलको ३२औं मिनेटमा उनैले दोस्रो गोल गर्दै अग्रता दोब्बर बनाए। लुइस स्वारेजको पासमा डी एरेस्केटाले दोस्रो गोल गरेका थिए।

यसअघि घानाले पाएको पेनाल्टी समेत मिस गरेको थियो। खेलको २०औं मिनेटमा पाएको पेनाल्टी उरुग्वेका गोलरक्षकले रोके। किपरले नै फउल गरेपछि घानाले पेनाल्टी पाएको थियो।

घानाका आन्द्रे मोर्गन रामी अईमपेलेले हानेको पेनाल्टी उरुग्वेका गोलकिपर सर्जियो रोचेटलको रोकेका थिए।

नेपाललाइभमा प्रकाशित सामग्रीबारे कुनै गुनासो, सूचना तथा सुझाव भए हामीलाई nepallivenews@gmail.com मा पठाउनु होला।

प्रतिक्रिया दिनुहोस्

नेपाल लाइभ Nepal’s independent digital media. Offers quick current affairs update, analysis and fact-based reporting on politics, economy and society. http://nepallive.com

लेखकबाट थप

प्रदेश सरकारहरूको ९ महिनाको खर्च ८५ अर्ब ४७ करोड

सगरमाथा संवादका लागि भारत सरकारबाट सवारीसाधन सहयोग

४२ लाख हुन्डीको रकमसहित न्युरोडबाड दुई जना पक्राउ