काठमाडौं– सेनेगलका स्टार फुटबलर साडियो मानेले चोट बोकेका छन्। फिफा विश्वकपको मुखैमा प्रमुख स्ट्राइकर मानेले चोट बोकेपछि सेनेगल राष्ट्रिय टोलीलाई तनाब भएको छ।
जर्मन क्लब बायर्न म्युनिखका फरवार्ड मानेले बुन्डेसलिगाअन्तर्गत मंगलबार राति वेर्डेर ब्रेमेनविरुद्धको खेलमा चोट बोकेका हुन्।
घुँडामा चोट बोकेपछि उनी खेलको २० मिनेटमै मैदानबाट बाहिरिएका थिए।
मानेले बोकेको चोट कति गम्भीर हो उनले विश्वकप गुमाउन–नगुमाउने भन्नबारे क्लबले केही बताएको छैन।
यता, सेनेगलको टोलीमा भने मानेको चोटले पिरोलो थपिएको छ। मानेकै उत्कृष्ट प्रदर्शनको आशामा सेनेगलले यो पटक सेमिफाइनलसम्म पुग्ने योजना बनाएको थियो। यदि, साँच्चै मानले विश्वकप गुमाएमा सेनेगलको यो आशामा तुसारापात हुने देखिन्छ ।
किनकि, माने सेनेगलका लागि मात्र नभएर सिंगो अफ्रिका महादेशकै महत्वपूर्ण खेलाडी हुन्। यसै वर्ष अफ्रिका उत्कृष्ट खेलाडी घोषित भएका उनी बालोन डि‘ओर अवार्डमा पनि दोस्रो भएका थिए।
कतार विश्वकपमा सेनेगल समूह ’ए’ मा रहेको छ। जहाँ आयोजक कतार, इक्वेडर र नेदरल्याण्ड्स पनि छन्।
सेनेगलले नोभेम्बर २१ मा नेदरल्याण्ड्ससँग खेल्दै विश्वकपको सुरुवात गर्नेछ।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1764146706.png)
