भैरहवा– ’सत्ता गठबन्धन ,संविधानके संरक्षणके खातीर बनाइबा, मगर नेकपा एमालेके नेतृत्वमे जो राजतन्त्रवाला गठबन्धन बनल बा वो गठबन्धन जनता के हक हितके लिए नाही हो, ओली के स्वार्थ के खातीर हे, सत्ताके लोभ के खातीर बनाले वाला जनता भुलालेवाला अपवित्र गठबन्धन हो।’
माथिको भनाइ घनश्याम भुसालले शनिबार रोहिणीका स्थानीय जनता माझ बोलेको विषय हो। रुपन्देही क्षेत्र नम्बर १ मा त्रिभुज चिन्ह लिएर वाम–लोकतान्त्रिक गठबन्धनबाट उम्मेदवारी दिएका भुसालले रोहिणी गाउँपालिका–१ दुगौली र ओमसतिया–४ वसन्तपुरमा निर्वाचन प्रचार प्रसार कार्यालय उद्घाटन कार्यक्रममा उक्त भनाइ राखेका हुन्।
भुसाल स्थानीय जनतालाई उनीहरूकै भाषामा क्षेत्रको विकासको योजना, गठबन्धनको आवश्यकता, केपी ओलीको प्रतिगामी कदम र ओलीकै राजावादी गठबन्धनबारे बुझाउँदै थिए।
’ओलीले पाँच वर्षमा संसद् विघठनबाहेक केही गरेनन्। ओलीका कारण ०१५ सालपछि नेपालले पाएको राजनीतिक स्थायित्वसहित देश विकास गर्ने अवसर गुम्यो,’ भुसालले भने, ’ओलीले सत्तामा पुग्नकै लागि मात्र अहिले राजावादीसँग अपवित्र गठबन्धन बनाएका छन्।’
सत्ता गठबन्धन संविधान र लोकतन्त्र रक्षाका निम्ति भएको उनले बताए।
भुसालले उम्मेदवारी दिएको रुपन्देही क्षेत्र १ मा ३३ वटा वडा रहेका छन्। क्षेत्रको दक्षिणी भेगमा भोजपुरी भाषा बोल्ने मतदाताको बाहुल्य रहेको छ। ती स्थानहरूमा भुसालले भाषण गर्दा स्थानीय भाषा प्रयोग गर्दै मतदातालाई आफ्ना अजेन्डा बुझाएका हुन्।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1791984972.png)
-1786602170.png)
