राजनीति

नेता नेपालसँग स्पष्टीकरण माग गरेको निर्वाचन आयोगले कारबाही अघि बढाउन प्रहरीलाई पनि पत्र पठायो

नेपाल लाइभ बिहीबार, कात्तिक ३, २०७९ १५:३८

काठमाडौं – निर्वाचन आयोगले एकीकृत समाजवादीका अध्यक्ष माधवकुमार नेपाललाई निर्वाचन आचारसंहिता उल्लघंन गरेको भन्दै कारबाही प्रक्रिया अघि बढाउन जिल्ला प्रहरी कार्यालय रौतहटलाई आग्रह गरेको छ।

रौतहटमा भएको एक कार्यक्रममा भाषण गर्ने क्रममा अध्यक्ष नेपालले आफूले चुनाव जिते युवाहरूलाई वैदेशिक रोजगारीमा पठाउने आश्वासन दिएका थिए। नेपालको उक्त भाषणमा निर्वाचन आचारसंहिता उल्लघंन भएको भन्दै निर्वाचन आयोगले २४ घण्टे स्पष्टीकरणसमेत सोधेको छ। स्पष्टीकरण सोधेसँगै आयोगले प्रहरी कार्यालयलाई पनि कारबाही अघि बढाउन पत्र काटेको हो।

‘आयोगबाट गठित सामाजिक सञ्जाल अनुगमन टोलीबाट अध्ययन तथा परीक्षण गर्दा निजको होइन भन्न सकिने कुनै आधार कारण नदेखिएकोले उक्त विषयप्रति आयोगको गम्भीर ध्यानाकर्षण भई यो पत्र लेखिएको छ,’ आयोगले प्रहरी कार्यलयलाई लेखेको पत्रमा भनिएको छ,‘ निर्वाचन (कसुर तथा सजाय ) ऐन २०७३ अनुसार सजाय हुने व्यवस्था छ। निज माधवकुमार नेपालबाट निर्वाचनका सम्मुखमा युवाहरूलाई विदेश पठाउने भनि सार्वजनिक रुपमा प्रलोभन देखाउन कार्य गरेको सम्बन्धमा निर्वाचन कसुर तथा सजाय ऐन २०७३ को दफा ३९ बमोजिम कारबाही अघि बढाउन अनुरोध छ।’

यो पनि पढ्नुहोस

निर्वाचन आयोगले माधव नेपाललाई सोध्यो २४ घण्टे स्पष्टीकरण

नेपाललाइभमा प्रकाशित सामग्रीबारे कुनै गुनासो, सूचना तथा सुझाव भए हामीलाई nepallivenews@gmail.com मा पठाउनु होला।

प्रतिक्रिया दिनुहोस्

नेपाल लाइभ Nepal’s independent digital media. Offers quick current affairs update, analysis and fact-based reporting on politics, economy and society.http://nepallive.com

लेखकबाट थप

काठमाडौं महानगरका ४९७ पसल अनुगमन गर्दा २० वटामात्रै मापदण्ड अनुसारका

लगानी जुटेसँगै मनाङ मर्स्याङ्दी जलविद्युत् आयोजना निर्माण सुरु

केन्द्रीय बैङ्कको अध्ययनः गण्डकीमा कृषि भूमि घट्यो