नेप्से परिसूचक ११.३२ अंकले वृद्धि

बैंक/बिमा/सेयर

नेपाल लाइभ बुधबार, असोज २६, २०७९ १६:४०

काठमाडौं– पछिल्ला दुई दिन गिरावट भएको नेप्से परिसूचक बुधबार सामान्य अंकले बढेको छ।

बुधबार नेप्से परिसूचक ११.३२ अंक बढेर १८६६.४८ बिन्दुमा पुगेको हो। त्यस्तै, सेन्सेटिभ इन्डेक्स २.४८ अंक, फ्लोट इन्डेक्स ०.८१ अंकले र सेन्सेटिभ फ्लोट इन्डेक्स १.०३ अंकले बढेको छ।

बुधबार कारोबारमा आएका २२३ कम्पनीको २० लाख ८५ हजार कित्ता सेयर ६९ करोड १७ लाख ३७ हजार रुपैयाँ बराबरको खरिदबिक्री भएको छ। मंगलबारको तुलनामा बुधबार कारोबार रकममा पनि सामान्य सुधार भएको छ।

बुधबार नेप्सेका १३ उपसमूहमध्ये ११ उपसमूहको परिसूचक बढेको छ भने २ उपसमूहको परिसूचक घटेको छ। जसमा वित्त उपसमूहको परिसूचक २.६७ प्रतिशत बढेको छ। त्यसैगरी, विकास बैंक उपसमूहको परिसूचक २.०९ प्रतिशत बढेको छ।

बुधबार अभियान लघुवित्त वित्तीय संस्थाको सेयर सकारात्मक सर्किट लेभलमा कारोबार भएको छ।

त्यस्तै, महुली लघुवित्त वित्तीय संस्था र प्रोग्रेसिभ फाइनान्सको सेयरमूल्य ५ प्रतिशतभन्दा बढी बढेको छ भने एभरेष्ट बैंकको ऋणपत्रको मूल्य ९.८३ प्रतिशत घटेको छ। बुधबार नबिल बैंकको २ करोड ४० लाख रुपैयाँ बराबरको सेयर खरिदबिक्री भएको छ।

नेपाललाइभमा प्रकाशित सामग्रीबारे कुनै गुनासो, सूचना तथा सुझाव भए हामीलाई nepallivenews@gmail.com मा पठाउनु होला।

प्रतिक्रिया दिनुहोस्

नेपाल लाइभ Nepal’s independent digital media. Offers quick current affairs update, analysis and fact-based reporting on politics, economy and society.http://nepallive.com

लेखकबाट थप

मौसम बदली : बादलले ढाके पनि वर्षा कम, बुधबारदेखि सुधार हुने

पूर्वसांसद मिना गुरुङ पक्राउ

सहकारी ठगी प्रकरणमा प्रतिवादीहरूको बयान जारी