प्यूठान– प्यूठानको सरुमारानी गाउँपालिका- २ ददेरीमा गुडिरहेको बसको ढोकाबाट लडेर एकजना महिलाको मृत्यु भएको छ।
जिल्लाको ऐरावती गाउँपालिका -३ की अन्दाजी ४५ वर्षीया वसन्ता पाण्डेको बसको ढोकाबाट लडेर मृत्यु भएको जिल्ला प्रहरी कार्यालय प्यूठानका प्रमुख प्रहरी नायब उपरीक्षक सुवास खड्काले जानकारी दिए।
खड्काका अनुसार मंगलबार दिउँसो साढे १२ बजेतिर सरुमारानी-३ नौघाट देखि दाङको भालुवाङतर्फ जाँदै गरेको लु १ ख ९४७४ नम्वरको बसको ढोकाबाट खसेर पाण्डे गम्भीर घाइते भएकी थिइन्।
घाइते पाण्डेलाई उपचारका लागि भालुवाङस्थित राप्ती पोलिक्लिकमा लगिएकोमा पोलिक्लिनीकले मृत घोषणा गरेपश्चात पोस्टमार्टमका लागि लमही लगिएको प्रहरी नायब उपरिक्षक खड्काले जानकारी दिए।
उनले भने, ‘ढोकामा आएर बान्ता गर्ने क्रममा पाण्डेले सन्तुलन गुमाएर लड्न पुगेको भन्ने खुल्न आएको छ।’ बस चालक र बसलाई नियन्त्रणमा लिइएको प्रहरीले जानकारी दिएको छ।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1786602170.png)
