काभ्रेको पनौतीमा अन्तरपालिकास्तरीय भलिबल प्रतियोगिता हुने

अन्य

नेपाल लाइभ सोमबार, असोज १०, २०७९ १६:२१

काठमाडौं: काभ्रेको पनौतीमा काभ्रे जिल्लाव्यापी अन्तरपालिकास्तरीय भलिबल प्रतियोगिता आयोजना हुने भएको छ।

सुर्की हाउसमा आज आयोजित पत्रकार सम्मेलनमा पनौती नगरपालिका- २ का वडाध्यक्ष पुरुषोत्तम अधिकारीले आगामी कात्तिक २ देखि ५ गतेसम्म भलिबल प्रतियोगिता हुने जानकारी दिए।

पनौती नगरपालिका वडा नम्बर २ को आयोजनामा हुने सो प्रतियोगिता स्थानीय धारा चौर खेल मैदानमा सम्पन्न हुने आयोजकले जनाएको छ।

आज आयोजित पत्रकार सम्मेलनमा पनौती नगरपालिकाका प्रमुख रामशरण भण्डारी, उपप्रमुख गीता बञ्जारा, पनौती नगरपालिका वडा नम्बर १ र ३ का वडाध्यक्षहरुको समेत उपस्थिति थियो।

भलिबल प्रतियोगिता सम्पन्न गर्नका लागि यसअघि नै वडाअध्यक्ष अधिकारीको संयोजकत्वमा १५ सदस्यीय मुल आयोजक समिति बनाई जिम्मेवारी बाँडफाँड भइसकेको आज जारी प्रेस विज्ञप्तिमा जनाइको छ।

पनौती नगरपालिका वडा नम्बर १ र ३ का वडाअध्यक्षहरु पदेन सदस्य रहने गरी समिति गठन गरिएको थियो।

प्रतियोगिता सम्पन्न गर्न स्थानीय कुशादेवी युवा क्लब र लप्सेटार युवा समूहले सहजीकरण गर्नेछन्।

नेपाललाइभमा प्रकाशित सामग्रीबारे कुनै गुनासो, सूचना तथा सुझाव भए हामीलाई nepallivenews@gmail.com मा पठाउनु होला।

प्रतिक्रिया दिनुहोस्

नेपाल लाइभ Nepal’s independent digital media. Offers quick current affairs update, analysis and fact-based reporting on politics, economy and society. http://nepallive.com

लेखकबाट थप

महिला टी–२० एसिया क्वालिफायर M हङकङसँग नेपाल पराजित

सेयर बजारमा दोहोरो अंकको गिरावट

सांसद बरालीको प्रश्न- ‘पक्राउ पुर्जी जारी भएका सांसद प्रधानमन्त्रीसँगै बस्दा सुशासन कता हरायो ?’