दमक– सिकलसेल (बोनम्यारो) क्यान्सरबाट पीडित शिवसताक्षी-८ का २८ वर्षीय विशाल दुमी राईको उपचार सहयोगार्थ ‘मुस्ताङ मनोरञ्जन धमाका २०२२’ हुने भएको छ। कार्यक्रम यही असोज १० गते सोमबार दशैंको पहिलो दिन झापाको दमकमा आयोजना हुनेछ।
लोकप्रिय गायक राजेशपायल राईसँगै युवापुस्ताका चर्चित गायक एकदेव लिम्बूले पहिलोपल्ट एउटै कन्सर्टमा प्रस्तुति दिन लागेका हुन्। कार्यक्रममा सुनिता संयक लिम्बू, ममता गुरुङ र निमा तामाङ लगायतका कलाकारहरुको समेत प्रस्तुति रहनेछ। दमक–९ स्थित सरस्वति माविको प्राङ्गणमा आयोजना हुने कन्सर्ट बेलुकी ५ बजे देखि सुरु हुनेछ।
कदम थिएटर र थैली इन्टरटेनमेन्ट आयोजक रहेका कन्सर्टको टिकटदर ३०० रूपैयाँ रहेको छ। कन्सर्टबाट उठेको सम्पूर्ण आम्दानी न्युनतम खर्च कटाएर क्यान्सरपीडित विशाल राईको उपचारमा खर्च गरिनेछ।
क्यान्सरपीडित विशाल राई बचाउ अभियान मूल समितिका संयोजक बलु राईका अनुसार विशाल राईको हाल काठमाडौंस्थित सिभिल अस्पतालमा उपचाररत रहेको छ। उनको उपचारमा अहिलेसम्म करिब १५ लाख खर्च भइसकेको छ भने रगत ट्रन्सल्पान्टको लागि थप ३५ लाख लाग्ने अस्पतालबाट जानकारी आएको छ।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1750933374.png)
-1749826086.png)
