काठमाडौं– नमुना महिला संसद् अभ्यास कार्यक्रम सञ्चालन हुने भएको छ। उक्त अभ्यास कार्यक्रम चियर्स नेपाल नामक संस्थाले गर्न लागेको हो।
उक्त संस्थाले देशमै पहिलोपटक २०१४ बाट अभियान सुरु गरेको थियो। राष्ट्रिय मुद्दाहरूमा छलफल र बहस गर्न विभिन्न पृष्ठभूमि र विभिन्न जातिका १०० महिलाहरूलाई जोड्दै नमुना महिला संसद् कार्यकम सञ्चालन गर्न लागेको संस्थाले जनाएको छ।
उक्त कार्यक्रममा नेपालको वास्तविक संसद्को ढाँचालाई पालन गरिनेछ। सहभागिहरूले निर्वाचन प्रक्रियामा डाटाको दुरुपयोग र गलत सूचनाको प्रयोग, बलात्कार र यौन दुर्व्यवहार, विकास प्रक्रियामा निहित विनाश, स्वतन्त्र उम्मेदवारहरूको उदयलगायतका अन्य धेरै विषयहरूमा छलफल र बहस गर्नेछन्।
नमुना महिला संसद् बहस तथा सार्वजनिक अन्तरक्रियाबाट उनीहरूले अन्य महिलाहरूलाई समसामयिक मामिलामा आवाज उठाउन र देशमा लोकतन्त्र र विकासको प्रवर्द्धनका लागि समाजमा सक्रिय भूमिका खेल्न सशक्त र प्रेरित गर्ने संस्थाले जनाएको छ। कार्यक्रम असोज ८ गते धुलिखेलमा हुनेछ।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1749826086.png)
