काठमाडौं- पूर्वप्रधानन्यायाधीश कल्याण श्रेष्ठले न्यायालयले समयमा मुद्दा फर्छ्यौट फर्छ्यौट गर्न नसक्नु पनि भ्रष्टाचार भएको बताएका छन्।
मानव अधिकार पत्रकार संघद्वारा शुक्रबार आयोजित ‘भ्रष्टाचारविरुद्धको महासन्धि, सुशासन र विधिको शासन’ विषयक कार्यक्रममा श्रेष्ठले समयमा न्यायापालिकाले न्याय दिन नसक्नु पनि भ्रष्टाचार भएको बताएका हुन्।
‘न्यायलयले समयभित्र मुद्दाको छिनोफानो गर्न नसक्नु पनि भ्रष्टाचार हो’ उनले भने, ‘समयमा काम नसक्ने मानसिकता नै भ्रष्टाचार हो ।’ पूर्वप्रधानन्यायाधीश श्रेष्ठले समयमा फैसला भइ दोषीले सजाय पाए मात्र पीडितले न्याय पाएको महसुस गर्ने धारणा व्यक्त गरे। न्यायालयले कानुनविपरीत भएका विकास निर्माणका काम भए रोक्नुपर्ने बताए।
पूर्वप्रधानन्यायाधीश श्रेष्ठले अख्तियार दुरुपयोग अनुसन्धान आयोगले निष्पक्षरुपमा भ्रष्टाचारको अनुसन्धान गर्नुपर्नेमा जोड दिँदै भने, ‘भ्रष्टाचारको कुरामा पक्ष वा विपक्ष हेर्नु हुँदैन, बेरुजु न्यूनिकरण गर्नेतर्फ सरोकारवालाको ध्यान जानुपर्छ ।’
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1787798469.jpg)
-1786602170.png)
-1786513116.png)
