धनगढी- सुदूरपश्चिम प्रदेश सरकारले शुक्रबार छैट पटक प्रदेशको मन्त्रीपरिषद पुर्नगठन गरेको छ । प्रदेश सरकारले मन्त्रीपरिषद पुर्नगठन गरेसँगै नेकपा (एकीकृत समाजवादी) पार्टीका १३ जना प्रदेश सभा सदस्य मन्त्री बनेका छन् ।
नेकपामा विवाद चर्किएकै बेला प्रदेशका मुख्यमन्त्री त्रिलोचन भट्टले २०७८ साल जेठ १४ गते मन्त्रिपरिषद पुर्नगठन गरेका थिए । सो समयमा भौतिक पूर्वाधार विकास मन्त्रीमा दीर्घबहादुर सोडारी र राज्यमन्त्रीमा चुनकुमारी चौधरी, आन्तरिक मामिला तथा कानुन मन्त्रीमा पूर्णा जोशी, सामाजिक विकास मन्त्रीमा लालबहादुर खडका, राज्यमन्त्रीमा मनाकुमारी साउदलाई नियुक्त गरेको थियो ।
नेकपा एमाले विभाजन भई माधवकुमार नेपालको नेतृत्वमा एकीकृत समाजवादी पार्टी गठन गरिएको थियो । एस पार्टीमा प्रदेशमा सबैभन्दा ठूलो दल बनेपछि नेकपा (एमाले) रोजेका प्रकाशबहादुर शाह र अर्चना गहतराजले आर्थिक मामिला मन्त्री तथा राज्यमन्त्रीको जिम्मेवारीबाट राजीनामा दिएका थिए ।
२०७८ सालमा असोज १ गते आर्थिक मामिला मन्त्रीमा तारा लामा तामाङ र राज्यमन्त्रीमा माया तामाङ बोहरालाई नियुक्त गरेको थियो ।
केन्द्रमा गठबन्धनको सरकार रहेपनि प्रदेशमा नेपाली कांग्रेस, जनता समाजवादी पार्टीको सरकारमा सहभागिता नभएको भन्दै विरोध भएको थियो । नेपाली कांग्रेसलाई सरकारमा समावेश गर्न मुख्यमन्त्री भट्टले मन्त्रिपरिषद २०७८ चैत २५ गते पुनर्गठन गरेको थियो । सो क्रममा आन्तरिक मामिला तथा कानुन मन्त्रीमा नेपाली कांग्रेसबाट रणबहादुर रावल, सामाजिक विकास मन्त्रीमा गोविन्दबहादुर बोहरा र राज्यमन्त्रीमा टेकबहादुर रैकालाई नियुक्त गरेको थियो ।
यस्तै, एकीकृत समाजवादी पार्टीबाट आर्थिक मामिला मन्त्रीमा प्रकाशबहादुर रावल र राज्यमन्त्रीमा अमरबहादुर साउद, भौतिक पूर्वाधार विकास राज्यमन्त्रीमा चुनकुमारीलाई हटाउँदै कुलविर चौधरीलाई नियुक्त गरेको थियो ।
अहिले प्रदेश तथा प्रतिनिधि सभा सदस्यको निर्वाचन नजिकिएसँगै एकीकृत समाजवादी पार्टी छोड्दै पुनः एमालेमा फर्कने लहर चलिरहेका बेला मुख्यमन्त्री भट्टले आजै मात्र समाजवादीका दुई प्रदेश सभा सदस्यलाई राज्यमन्त्रीमा नियुक्त गरेका छन् । आर्थिक मामिला राज्यमन्त्रीमा बलबहादुर सोडारी र भौतिक पूर्वाधार राज्यमन्त्रीमा शुशिला बुढाथोकीलाई नियुक्त गरेका छन्।
यसअघि प्रदेश सरकार पहिलोपटक २०७४ साल फागुन ५ गते गठन भएको मन्त्रिपरिषदबाट एकीकृत समाजवादी पार्टीकी माया भट्टले उद्योग, पर्यटन, वन तथा वातावरण मन्त्रीको जिम्मेवारी सम्हालिसकेकी छिन ।
एकीकृत समाजवादीमै रहेकी दुर्गा विकलाई पार्टीले संसदीय दलको प्रमुख सचेतक रहेका बनाएको थियो ।
समाजवादी छोड्दै प्रदेश सभा सदस्य
एकीकृत समाजवादी रोजेका प्रदेश सभा सदस्यहरु पार्टी परित्याग गर्दै अन्य पार्टीमा प्रवेश गर्न लागेका छन् ।
समाजवादीबाटै आर्थिक मामिला मन्त्री बनेका तारा लामा तामाङ र भौतिक पूर्वाधार राज्यमन्त्री कुलविर चौधरी एमालेमा फर्केका छन् भने एकीकृत समाजवादी पार्टीकी प्रमुख सचेतक रहेकी दुर्गा विक पनि नेकपा (माओवादी केन्द्र)मा प्रवेश गरेकी छिन् ।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1768632127.png)
-1764146706.png)
-1768395492.png)
