नेपाल सरकार र सद्गुरूबीच ‘माटो जोगाऔं’ अभियानको सम्झौतापत्रमा हस्ताक्षर हुँदै

समाचार

नेपाल लाइभ मंगलबार, भदौ १४, २०७९ १५:४४

काठमाडौं– विश्वप्रसिद्ध सदगुरु, जग्गी वासुदेवको ‘माटो जोगाऔं’ अभियान अन्तर्गत नेपाल सरकारसँग भदौ १७ गते सम्झौतापत्रमा हस्ताक्षर हुने भएको छ।

नेपाल सरकारको तर्फबाट कृषि तथा पशुपंक्षी विकास मन्त्रालय र माटो जोगाऔंबीच ललितपुरस्थित गोदावरी सनराइज सम्मेलन केन्द्रमा हस्ताक्षर हुने तय भएको हो।

माटो जोगाऔं अभियान माटोको विनाशलाई सम्बोधन गर्नको लागि ईशा फाउण्डेशन नामको लाभरहित मानव सेवी संस्थानका संस्थापक सद्गुरुद्वारा पहल गरिएको विश्वव्यापी अभियान हो।

माटोलाई स्वस्थ राखिरहनको लागि विश्वभरिका मानिसहरूलाई एकजुट गर्नुका साथै उब्जाउयोग्य माटोमा जैविक पदार्थको मात्रा वृद्धि गर्नको लागि हरेक राष्ट्रमा राष्ट्रिय नीति निर्माण र कार्यान्वयन गर्न सबै राष्ट्रका नेतृत्वकर्ताहरूलाई सहयोग गर्ने अभियानको उद्देश्य रहेको छ।

माटोको विनाशको संकटलाई सबैसामु छर्लङ्ग पार्नको लागि सद्गुरुले गत मार्चमा २७ राष्ट्रहरूमा १०० दिने यात्रा सुरु गरेका थिए। यात्राको सुरुवातदेखि ८० राष्ट्रहरूले माटो जोगाऔं अभियानलाई समर्थन गरेका छन्।

नेपाललाइभमा प्रकाशित सामग्रीबारे कुनै गुनासो, सूचना तथा सुझाव भए हामीलाई nepallivenews@gmail.com मा पठाउनु होला।

प्रतिक्रिया दिनुहोस्

नेपाल लाइभ Nepal’s independent digital media. Offers quick current affairs update, analysis and fact-based reporting on politics, economy and society.http://nepallive.com

लेखकबाट थप

माओवादी केन्द्रले स्थानीय जनप्रतिनिधिलाई समाजवादबारे प्रशिक्षण दिने

चिकित्सकको आन्दोलन स्थगित, सरकारसँग ९ बुँदे सहमति

प्रतिघण्टा ३६ किलोमिटर दौडनसक्ने रोबोटिक कुकुरको विकास