काठमाडौं– काठमाडौं महानगरपालिकाकी उपप्रमुख सुनिता डंगोलले स्थानीय माग र आवश्यकतालाई प्राथमिकता निर्धारण गरेर काम गरिरहेको बताएकी छन्।
वैदेशिक अध्ययनमा रहेका विद्यार्थीहरूसँगको छलफलका क्रममा उनले यस्तो बताएकी हुन्। उनीसँगको छलफलमा काठमाडौं विश्वविद्यालय, स्कूल अफ इञ्जिनियरिङका प्राध्यापक भीमप्रसाद श्रेष्ठ नेतृत्वमा संयुक्त राज्य अमेरिकामा अध्ययनरत विद्यार्थी सहभागी थिए।
एक घण्टा लामो भेटमा विद्यार्थीहरुले फोहोर उत्पादन, संकलन, ढुवानी र अन्तिम व्यवस्थापन, फोहोरमैला व्यवस्थापनका आर्थिक, सामाजिक तथा वातावरणीय सम्बन्धका विषयमा मुख्य प्रश्न राखेका थिए। यसैगरी न्यायिक निरुपण, युवा नेतृत्वका अवसर र चुनौती, महिला सशक्तिकरण र नेतृत्व विकासजस्ता विषयमा चासो राखेका थिए।
छलफलका क्रममा उपप्रमुख डंगोलले फोहोरमैला व्यवस्थापनसँग सम्बन्धित काम गर्दा मानव स्वास्थ्य र वातावरणमा असर नहोस् भन्ने विषयमा आफू सचेत रहेको बताइन्। विवाद निरुपणका विषय उल्लेख गर्दै उपप्रमुख डंगोलले वडास्तरमा मेलमिलापकर्तामार्फत् मेलमिलापलाई प्राथमिकतामा राखेको बताइन्।
‘महिला सशक्तिकरणका लागि उपलब्धि हासिल भएका छन्। यसको पूर्णताका लागि परिवारको मनोविज्ञानसँग सम्बन्धित पक्षलाई सुधार गर्दै जानुपर्छ’, उनले भनिन्।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1764146706.png)
-1765768760.png)
-1763721444.png)
-1765273665.jpg)
