गुल्मी– गुल्मीको इश्मा गाउँपालिकाले ब्यवसाय नवीकरणमा झण्डै तीन गुणा बढीले कर वृद्धि गरीे स्थानीयहरुलाई करको भार थपेकोे छ।
यस अगाडि व्यवसाय नवीकरण गर्दा रू. ४ सयमा गर्दै आएकोमा र अहिले बढाएर १ हजार ५ सय रुपैयाँ कायम गरिएको गाउँपालिकाले जनाएको छ।
स्थानीय सरकारले जनतालाई राहत दिनेभन्दा पनि करको दर बढाएर जनताको ढाड सेक्ने गरी काम गरेको सो गाउँपालिकामा नेकपा (एमाले)को तर्फबाट गएको स्थानीय तहको चुनावमा अध्यक्ष उम्मेद्वार समेत रहेका हिरा एसिले आरोप लगाए।
अहिलेको स्थानीय सरकारको ध्यान बाटो खन्ने, खरिद गर्ने, भवन निर्माणमा र निश्चित व्यक्तिलाई लाभ हुने बाहेकका अन्य कामहरु नभएको उनको आरोप छ। यहि गतिमा कर बढाउन स्थानीय सरकार अगाडि बढिरहे जनताले विद्रोह गर्न पछि नपर्ने उनले चेतावनी दिए।
नागरिकलाई राहत दिनुको साटो करको भारी थोपरेर आहत तुल्याएको स्थानीय व्यावसायी पशुपति पैयानीले गुनासो गरिन्।
गाउँमा वार्षिक ५० हजारको व्यापार हुन मुश्किल हुने भन्दै कर कार्यालय र गाउँपालिकालाई कर बुझाउनुपर्ने समस्याले गर्दा ब्यापार नै बन्द गर्नुबाहेक अन्य विकल्प नरहेको उनको गुनासो छ।
यता गाउँपालिकाका अध्यक्ष भगतसिंह खडकाले करको दरमा परिवर्तन मात्र गरिएको बताए। अहिलेको अवस्थामा वार्षिक रुपमा १ हजार ५ सय रुपैयाँ तिर्न सक्ने कोही पनि नभएको उनको भनाई छ।
व्यवसाय गर्नेहरुलाई यो कुनै ठूलो कुरा नभएको भन्दै बाहिर यसलाई अतिरञ्जित बनाइएको खडकाको भनाई छ।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1764146706.png)
