‘सन्यास’पछि पुनः नितेशजंग कुँवरको कमब्याक

समाचार

नेपाल लाइभ बुधबार, भदौ १, २०७९ ०६:५४

काठमाडौं– युवापुस्तामाझ निकै लोकप्रिय गायक नितेशजंग कुँवरले करिब दुई वर्षअघि अचानक संगीत क्षेत्रबाट सन्यास लिएका थिए। आफ्नो उदाउँदो भविष्यका बीच उनले संगीत क्षेत्रबाट सन्यास लिने घोषणा गरेका थिए। त्यो बेला उनका प्रशंसक तथा स्रोताहरुले त्यस्तो कदम नचाल्न पनि आग्रह गरेका थिए।

अन्नतः दुई वर्षपछि उनले आफ्नो सन्यास लिने निर्णयको पछाडिको कारण खुलाएका छन्। सँगै उनी आफ्नो निर्णयबाट पनि पछि हटेको जानकारी दिएका छन्। सामाजिक सञ्जाल इन्स्टाग्राममार्फत् कुँवरले सन्यास लिने निर्णयबाट पछि हटेको बताउँदै आफूले त्यो बेला किन र कसका लागि यस्तो कदम चालेको भन्ने विषय खुलाएका हुन् ।

कुँवरले आफ्नो व्यक्तिगत कारणहरुले गर्दा सो निर्णय गरेको बताएका छन्। उनले लेखेका छन्, ‘म आफ्नो सांगीतिक यात्रालाई थप फराकिलो बनाउन चाहन्थें। तर, सोही महिना मेरो बुबाको निधन भएपछि मैले उक्त निर्णय लिएँ। बुबाको निधनले मेरो जीवनलाई विचलित बनाएको थियो।’

उनले त्यो बेला आफ्नो युट्युब च्यानलले पनि काम गर्न छाडेको जानकारी दिँदै समयले सबै पीडा निको बनाएको र आफ्नो प्रशंसकहरुमाझ माफी माग्नुपर्ने महसुस गरेको बताएका छन्।
कुँवरले अब आफूले पुनः लक्ष्य लिएर काम गर्ने सोच बनाएको बताएका छन्।

उनले स्टेजमा कार्यक्रम नगरेको लामो समय भएको सम्झिँदै आफूले अब पाठ सिकेकाले पुनः गायनमा फर्किने जानकारी दिएका छन्।

नेपाललाइभमा प्रकाशित सामग्रीबारे कुनै गुनासो, सूचना तथा सुझाव भए हामीलाई nepallivenews@gmail.com मा पठाउनु होला।

प्रतिक्रिया दिनुहोस्

नेपाल लाइभ Nepal’s independent digital media. Offers quick current affairs update, analysis and fact-based reporting on politics, economy and society.http://nepallive.com

लेखकबाट थप

यी १४ संघीय अस्पतालमा १८ वटा सेवा थप र विस्तार हुँदै, कुन अस्पतालमा के?

केयूको उपकुलपतिमा प्रा. डा. अच्युत वाग्ले नियुक्त

भोजपुरमा सामुदायिक वनको डढेलो बस्तीमा फैलिँदा ८ घर जलेर नष्ट