जीवनशैली

बटुक स्नानसँगै सुरु भयो पशुपतिमा रक्षाबन्धन [तस्बिरहरू]

मनिष अर्याल शुक्रबार, साउन २७, २०७९ १०:३६

काठमाडौं– प्रत्येक वर्ष साउन शुक्ल पूर्णिमाका दिन मनाइने रक्षाबन्धन, जनै पूर्णिमा (ऋषि तर्पणी) पर्व आज शुक्रबार देशभर नव यज्ञोपवीत एवं रक्षाबन्धन धारण गरेर मनाइँदै छ।

पूर्णिमाका दिन बिहानैदेखि वैदिक सनातन धर्मावलम्बीले नदी, ताल, तलाउ, पोखरीमा गई स्नान गरेर गुरु पुरोहितबाट रक्षासूत्र बाँध्छन्।

तागाधारीले गुरु पुरोहितले विधिपूर्वक मन्त्रिएको यज्ञोपवीत एवं डोरो (रक्षासूत्र) धारण गरेमा नकारात्मक तत्वबाट सुरक्षा प्राप्त हुने धार्मिक विश्वास छ।

यसैबीच, पशुपतिको वेद विद्याश्रममा रहेका बटुकहरूले बिहानै स्नान गरेर पूजापाठ गरि विधिवत रुपमा रक्षाबन्धन सुरु गरेका छन्।

Batuk-Pashupati (8)1660279766.jpg