११ वर्षपछि पुनः निर्देशनमा किरण

सिनेमा

नेपाल लाइभ बुधबार, साउन २५, २०७९ १५:४९

काठमाडौं– ‘धोवी घाट’ फिल्मबाट सकारात्मक प्रतिक्रिया पाए पनि ११ वर्षसम्म निर्देशनबाट टाढा रहेकी भारतीय फिल्म निर्देशक किरण राओले कमब्याक गर्ने भएकी छिन्।

उनको आगामी फिल्म ‘लापता लेडिज’को रिलिज डेट घोषणा भएको छ। राओको नयाँ फिल्ममा भारतको दुर्गमबाट रेलमा यात्रा गरिरहेका दुई दुलहीहरुको कथा भनिएको छ।

फिल्ममा उनीहरुको खोजी, रहस्य, शंकालगायतका कथाहरु समेटिएका छन्। फिल्म निर्देशनमा सफल निर्देशकको रुपमा पहिले नै चिनिए पनि उनले त्यसपछि फिल्मको निर्माण मात्रै गरेकी थिइन्।

अब सामाजिक व्यंग्य बोकेको ‘लापता लेडिज’ फिल्मबाट उनले पुनः कमब्याक गर्न लागेकी हुन्।

फिल्ममा निताशी गोयल, प्रतिभा रन्ता, स्वर्श श्रीवास्तव, छाया कदम, रवि किसनलगायतका कलाकारको अभिनय रहेको छ।

आमिर खान प्रोडक्सनको ब्यानरमा बनेको फिल्मलाई किरण र आमिर खानले निर्माण गरेका हुन्।

फिल्म २०२३ मार्च ३ बाट प्रदर्शनमा आउँदै छ।

हेर्नुहोस फिल्मको टिजरः

नेपाललाइभमा प्रकाशित सामग्रीबारे कुनै गुनासो, सूचना तथा सुझाव भए हामीलाई nepallivenews@gmail.com मा पठाउनु होला।

प्रतिक्रिया दिनुहोस्

नेपाल लाइभ Nepal’s independent digital media. Offers quick current affairs update, analysis and fact-based reporting on politics, economy and society.http://nepallive.com

लेखकबाट थप

केयूको उपकुलपतिका लागि पिएचडीको न्यूनतम योग्यता राखिएकोमा चिकित्सकहरुको विरोध

प्रहरी अस्पतालका ४ जना इन्स्पेक्टरलाई डीएसपीमा बढुवा गर्न सिफारिस

छिन्नमस्ता गाउँपालिकाले कृषि विद्युत् बिल तिरिदिने