बाघको छालासहित कैलालीमा चार जना पक्राउ

समाचार

नेपाल लाइभ शुक्रबार, साउन २०, २०७९ ११:५१

धनगढी– प्रहरीले कैलालीको गोदावरी नगरपालिकाबाट बाघको छालासहित चार जनालाई पक्राउ गरेको छ। बिहीबार मध्यराति बैतडीको डिलासैन गाउँपालिका–०२ बस्ने राजेन्द्र सिंह भण्डारीसहित चार जना पक्राउ परेका हुन्।

डोटीको जोरायल गाउँपालिका–२ बस्ने समिर ओलीले चलाएको बोलेरो जिपको बिचको सिटमा रहेको सेतो प्लाष्टिक बोराभित्र बाघको छाला एक थान र हड्डीहरु फेला परेको कैलाली प्रहरीका डीएसपी वेदप्रकाश जोशीले बताए।

प्रहरीले चालक आलेसहित चुरे गाउँपालिका–६ बस्ने टेक बहादुर रावत र धिरेन्द्र रावतलाई समेत पक्राउ गरेको छ।

अत्तरियातर्फ अवैध किसिमको बाघको छाला ओसार–पसार भइरहेको छ भन्ने विषेश सूचनाको आधारमा प्रदेश प्रहरी अनुसन्धान समूह (आरआईटी) र ईलाका प्रहरी कार्यालय मालाखेतीबाट खटिएको संयुक्त प्रहरी टोलीले गोदावरी नगरपालिका–२, तेघरीस्थित खानेपानी ट्याङ्की नजिकबाट उनीहरुलाई पक्राउ गरेको हो।

बुडरबाट धनगढीतर्फ आएको सुपप्र ०४–००१ च ०००६ नम्बरको बोलेरो जिप रोक्न खोज्दा तत्काल नरोकेकोले शंका लागि जिपको पिछा गरि रोकेर हेर्दा बाघको छाला र हड्डी भेटिएको डीएसपी जोशीले बताए।

‘ओलीले बुडरबाट बोलेरो जिप चलाई ल्याई छाला र हड्डीसहित अत्तरियातर्फ बिक्री गर्ने उद्देश्यले ल्याउन लागेको खुलेको छ’, उनले भने।

प्रहरीले उनीहरूको साथबाट बाघको टाउकोदेखि पुच्छरसम्म चार फिट सात इन्च, पुच्छरको लम्बाई तीन फिट दुई इन्च, चौडाई दुई फिट दुई इन्च भएको छाला र हड्डी दुई किलोग्राम बरामद गरेको छ।

पक्राउ परेका चारै जनालाई डिभिजन वन कार्यालय धनगढी पठाइएको छ।

नेपाललाइभमा प्रकाशित सामग्रीबारे कुनै गुनासो, सूचना तथा सुझाव भए हामीलाई nepallivenews@gmail.com मा पठाउनु होला।

प्रतिक्रिया दिनुहोस्

नेपाल लाइभ Nepal’s independent digital media. Offers quick current affairs update, analysis and fact-based reporting on politics, economy and society.http://nepallive.com

लेखकबाट थप

अमेरिकामा गैरकानुनी रूपमा बस्दै आएका आफ्ना नागरिकलाई फिर्ता गर्न भारत तयार

मधेशको सरकारी कामकाजी भाषासम्बन्धी विधेयकको विरोधमा प्रदेशसभा अगाडि प्रदर्शन

रविका वकिलको पालो नआइ आजको बहस सकियो