विज्ञापनमा तस्बिर दुरुपयोग भएपछि केकीको आपत्ति

समाचार

नेपाल लाइभ आइतबार, साउन १५, २०७९ २२:११

काठमाडौं–अभिनेत्री केकी अधिकारीले सामाजिक सञ्जालमा विभिन्न पेजहरुमार्फत् आफ्नाे तस्बिर र नाम दुरुपयाेग भएकाे भन्दै आपत्ति जनाएकी छन्। स्वास्थ्यसँग सम्बन्धित तथा सौन्दर्यका साधनकेन्द्रित विज्ञापनहरुमा आफ्नाे तस्बिर प्रयाेग भएपछि केकीले आपत्ति जनाएकी हुन्।

सामाजिक सञ्जालमार्फत् उनले विभिन्न पेजमा प्रयोग भएका आफ्नो तस्बिर र तस्बिरसहितको विज्ञापन भ्रामक भएको बताएकी छिन्।

केही दिनयता सामाजिक सञ्जालमा ‘बेटर मि’ तथा ‘टिमोलेकोस’लगायत नाम भएका पेजले मोटोपना घटाउने भन्दै केकीका विभिन्न समयका तस्बिर प्रयोग गर्दै आफ्नो उत्पादनको विज्ञापन गरिरहेको थियो। केकीले तिनै स्क्रिनसटहरु राख्दै यी कुराहरु भ्रामक भएको बताएकी छिन्।

केकी लेख्छिन्, ‘मेरो नाम र तस्बिरहरुको चरम दुरुपयोग गरि यस्ता भ्रामक विज्ञापनमा प्रयोग गरिएको पाइएकोमा यसमा कुनै सत्यता नभएको र यसमा विश्वास नगर्न सम्पूर्णमा हार्दिक अनुरोध गर्दछु।’

केकी हाल आफ्नो आगामी फिल्म ‘झिँगेदाउ’को प्रचारमा छिन्। भदौ १्र६ मा प्रदर्शनमा आउने यो फिल्मलाई ज्ञानेन्द्र देउजाले निर्देशन गरेका छन् भने केकीसँगै आँचल शर्मा, संगम भण्डारी, मुकुन्द भुसाललगायतका कलाकारको अभिनय रहेको छ।

नेपाललाइभमा प्रकाशित सामग्रीबारे कुनै गुनासो, सूचना तथा सुझाव भए हामीलाई nepallivenews@gmail.com मा पठाउनु होला।

प्रतिक्रिया दिनुहोस्

नेपाल लाइभ Nepal’s independent digital media. Offers quick current affairs update, analysis and fact-based reporting on politics, economy and society.http://nepallive.com

लेखकबाट थप

यी १४ संघीय अस्पतालमा १८ वटा सेवा थप र विस्तार हुँदै, कुन अस्पतालमा के?

केयूको उपकुलपतिमा प्रा. डा. अच्युत वाग्ले नियुक्त

भोजपुरमा सामुदायिक वनको डढेलो बस्तीमा फैलिँदा ८ घर जलेर नष्ट