धनगढी– नेपाल एसोसिएसन अफ टुर एण्ड ट्राभल एजेन्ट्स (नाट्टा) सुदुरपश्चिम प्रदेशको अध्यक्षमा पदमविक्रम सिंह निर्विरोध चयन भएका छन्।
शनिबार धनगढीमा सम्पन्न भएको संघको आठौं बार्षिक साधारणसभा तथा चौथो अधिवेशनबाट सिंहको अध्यक्षतामा नौ सदस्यीय कार्यसमिति निर्विरोध चयन गरिएको हो।
संघको उपाध्यक्षमा धनन्जय जैसी, महासचिवमा शिवहरि पाण्डे, कोषाध्यक्षमा लोकराज भट्ट, सचिवमा सविता ऐर निर्विरोध चयन भएका हुन्।
यस्तै पदम बहादुर चन्द, विक्रम ठकुल्ला, किशोर खड्का र मेखेन्द्र खत्री प्रदेश कार्यसमिति सदस्यमा चयन भएका छन्।
अधिवेशन उद्घाटन गर्दै आन्तरिक मामिला तथा कानुनमन्त्री रणबहादुर रावलले प्रदेशमा पर्यटनको थुप्रै सम्भावना रहेको भए पनि पूर्वाधार विकास हुन नसक्दा बाह्य पर्यटकहरुलाई आकर्षण गर्न नसकिएको बताए।
मन्त्री रावलले आन्तरिक तथा बाह्य पर्यटकलाई प्रदेशका पर्यटकीय स्थलमा आकर्षण गर्न सकेमा प्रदेशको समृद्धिमा सहयोग पुग्ने बताए। ‘प्रकृतिले नै थुपै्र कुरा यस प्रदेशलाई दिइएको छ,’ उनले भने, ‘हामीले थोरै पनि लगानी गरेमा धेरै सुधार गर्न सकिन्छ।’
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1764146706.png)
