काठमाडौं–बलिउडका चर्चित निर्देशक अनुराग कश्यपको फिल्ममा अभिनेत्री सन्नी लियोनीले काम गर्ने भएकी छिन्। लियोनीले अनुरागको निर्देशनमा बन्न लागेको नाम सार्वजनिक नगरिएको एक फिल्ममा काम गर्न लागेकी हुन्।
अभिनेत्री लियोनीले यस कुराको जानकारी आफ्नो इन्स्टाग्राममार्फत् दिएकी छिन्। उनले अनुरागसँगको एक तस्बिर सार्वजनिक गर्दै लेखेकी छिन्, ‘अब मेरो सपना पुरा हुन लागेको छ।’
सन्नीले आफूले कहिल्यै अनुराग कश्यपको फिल्ममा काम गर्न पाउँछु भन्ने नसोचेको बताएकी छिन्। उनी लेख्छिन्, ‘मेरो अहिलेसम्मको यात्रा राम्रो छ, तर सजिलो छैन। तर, यतिका वर्ष भारत र बलिउडमा काम गरेपछि मलाई एउटा फोन आएको छ, जसले अनुराग कश्यपको फिल्ममा काम गर्ने मौका जुराएको छ।’
सन्नी लियोनीले अभिनय क्षेत्रमा बलिउड फिल्म ‘जिस्म २’बाट डेब्यु गरेकी थिइन्। २०११ मा क्यानडाबाट मुम्ब्ई आएर फिल्म क्षेत्रमा प्रवेश गरेकी उनले त्यसयता ‘रागिनी एमएमएस २’, ‘एक पहेली लिला’, ‘कुछ कुछ लोचा है’जस्ता फिल्ममा काम गरेकी छिन्। अनुराग बलिउडका प्रसिद्ध निर्देशक हुन्। उनको आगामी फिल्म ‘दोबारा’ केही समयपछि प्रदर्शनमा आउँदै छ ।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1763096468.png)
