प्रतिनिधिसभाकाे आइतबारकाे बैठकमा सहभागी सांसदहरु। तस्बिर: रासस
काठमाडाैं-गणपूरक संख्या नपुगेपछि ‘मदन भण्डारी विज्ञान तथा प्रविधि विश्वविद्यालय विधेयक, २०७६’ माथि राष्ट्रियसभाबाट भएको संशोधनमाथि विचार गरियोस् भन्ने प्रस्ताव आइतबार प्रतिनिधिसभामा स्वीकृत हुन सकेन।
शिक्षा, विज्ञान तथा प्रविधिमन्त्री देवेन्द्र पौडेलले प्रस्तुत गरेकाे उक्त विधेयकका केही प्रावधानमा राष्ट्रियसभाले संशोधन गरेको थियो। सोही संशोधनमाथि विचार गरियोस् भन्ने प्रस्ताव स्वीकृत गर्ने कार्यसूची थियो ।
त्यसअघि शिक्षामन्त्री पौडेलले जसले जस्तो प्रकारको विश्वविद्यालयको माग आए पनि अनुमति दिन नसकिने बताए तर यस विश्वविद्यालयले भने देशको आवश्यकतालाई सम्बोधन गर्नेगरी जनशक्ति तयार पार्ने उद्देश्य राखिएको मन्त्री पौडेलको भनाइ थियो ।
भक्तपुरको ख्वप विश्वविद्यालय र नेपाल विश्वविद्यालय स्थापना गर्ने प्रक्रियासमेत अगाडि बढाइएको उनले जानकारी दिए। मन्त्री पौडेलको भनाइलगत्तै सभामुख अग्निप्रसाद सापकोटाले उक्त प्रस्ताव निर्णयार्थ प्रस्तुत गरेपछि सांसद प्रेम सुवालले गणपूरक संख्या यकिन गर्न माग गरे।
तीन मिनेट घण्टी बजाई सांसद संख्या यकिन गर्न गर्दा कुनै पनि प्रस्ताव पारित गर्न कूल ६९ सांसद उपस्थित हुनुपर्नेमा ५७ जनामात्रै उपस्थित भएपछि सभामुख सापकोटाले आइबारको सबै कार्यसूची स्थगित गरे। प्रतिनिधिसभाको अर्को बैठक यही साउन १० गते मंगलबार १ बजे बस्नेछ। रासस
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1768716527.png)
-1768712852.png)
-1764146706.png)
-1768395492.png)
