काठमाडौं–प्रहरी प्रधान कार्यालयले ११ जना प्रहरी उपरीक्षक (एसपी)को काज सरुवा गरेको छ। जसमध्ये ७ जिल्लाका प्रहरी प्रमुख फेरिएका छन्।
सूचीअनुसार जिल्ला प्रहरी कार्यालय कास्कीको प्रमुखमा एसपी अजय केसीको काज सरुवा गरिएको छ। केसी अख्तियार दुरुपयोग अनुसन्धान आयोगको केन्द्रीय कार्यालय टंगालमा कार्यरत थिए। केसीको ठाउँमा एसपी शिवकुमार श्रेष्ठलाई पठाइएको छ।
त्यसैगरी बारा प्रहरीको प्रमुखमा एसपी होबिन्द्र बोगटीको सरुवा भएको छ। बोगटी प्रहरी प्रधान कार्यालयस्थित कानून शाखामा थिए।
कपिलवस्तु प्रहरी प्रमुखमा प्रेमबहादुर बस्नेत, रौतहट प्रहरी प्रमुखमा बीरबहादुर बुढामगर, मकवानपुरमा बामदेव गौतम, डोटीमा दिलिप घिमिरे, भक्तपुरमा प्रजित केसी, इन्टरपोल शाखामा अनुपमशम्शेर जबरा, युएन शाखामा विश्व अधिकारी र काठमाडौं उपत्यका प्रहरी कार्यालय रानीपोखरीमा गंगा पन्तको सरुवा गरिएको छ।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1791984972.png)
-1786602170.png)
